گھر کی روشنی کا انتخاب نہ صرف ماحول کو خوبصورت بناتا ہے بلکہ آپ کی جسمانی اور ذہنی صحت پر بھی مثبت یا منفی اثرات مرتب کر سکتا ہے۔ موجودہ دور میں مختلف مطالعات سے یہ بات سامنے آئی ہے کہ روشنی کی اقسام کا براہ راست تعلق ہمارے مزاج، نیند کے معیار، اور مجموعی صحت سے ہوتا ہے۔ تو جانتے ہیں کہ گھر میں کون سی روشنی صحت کے لیے مفید ثابت ہو سکتی ہے۔

قدرتی روشنی: بہترین انتخاب

قدرتی سورج کی روشنی کو ہمیشہ بہترین سمجھا جاتا ہے۔ یہ روشنی نہ صرف ماحول کو خوشگوار بناتی ہے بلکہ جسم میں وٹامن ڈی کی پیداوار میں بھی مددگار ثابت ہوتی ہے۔ وٹامن ڈی ہڈیوں کو مضبوط بنانے اور مدافعتی نظام کو بہتر بنانے میں اہم کردار ادا کرتا ہے۔ ایک حالیہ تحقیق کے مطابق، دن میں کم از کم 30 منٹ قدرتی روشنی میں وقت گزارنا موڈ کو بہتر بناتا ہے اور ذہنی تناؤ کو کم کرتا ہے۔

سفید روشنی: آرام دہ اور پرسکون

سفید روشنی جیسے کہ انرجی سیور اور ٹیوب لائٹ کی روشنی آرام دہ اور پرسکون ہوتی ہے اور شام کے وقت استعمال کے لیے بہترین ہے۔ یہ روشنی آنکھوں کو آرام دیتی ہے اور جسم کو نیند کے لیے تیار کرتی ہے۔ 2023 کی ایک تحقیق کے مطابق سفید روشنی کا استعمال شام کے وقت نیند کے معیار کو بہتر بناتا ہے اور جسم کے قدرتی نیند کے ہارمون میلاٹونن کی پیداوار میں مددگار ثابت ہوتا ہے۔

نیلی روشنی: احتیاط ضروری

نیلی روشنی، جو کہ اکثر الیکٹرانک آلات (موبائل، کمپیوٹر، ٹی وی) سے خارج ہوتی ہے، نیند پر منفی اثر ڈال سکتی ہے۔ 2022 کی ایک رپورٹ کے مطابق، رات کے وقت زیادہ نیلی روشنی میں وقت گزارنے سے نیند میں مشکلات پیش آ سکتی ہیں اور یہ آنکھوں کی تھکن کا باعث بھی بن سکتی ہے۔ اس لیے رات کے وقت الیکٹرانک آلات سے پرہیز کرنا یا نیلی روشنی کے فلٹرز استعمال کرنا بہتر ہوتا ہے۔

ایل ای ڈی روشنی: توانائی کی بچت اور صحت کے لیے مفید؟

ایل ای ڈی روشنی آج کل توانائی کی بچت کے لحاظ سے مقبول ہے، لیکن کیا یہ صحت کے لیے بھی بہتر ہے؟ مختلف مطالعات سے یہ بات سامنے آئی ہے کہ ایل ای ڈی لائٹس، جو مختلف رنگوں میں دستیاب ہوتی ہیں، کو اگر درست طریقے سے منتخب کیا جائے تو یہ آنکھوں پر نرم اثر ڈالتی ہیں اور توانائی کی بچت بھی کرتی ہیں۔ البتہ، یہ ضروری ہے کہ رات کے وقت کم شدت کی ایل ای ڈی لائٹس کا استعمال کیا جائے تاکہ نیند متاثر نہ ہو۔