آپ کا جسم آرام کی حالت میں بھی ضروری افعال جیسے سانس لینا، دل کی دھڑکن، خون کی گردش، اور ہاضمہ کے لیے کیلوریز جلاتا ہے۔ جب آپ اپنے پٹھوں کو استعمال کرتے ہیں تو آپ کی توانائی کی ضرورت بڑھ جاتی ہے، جس سے زیادہ کیلوریز جلتی ہیں۔

کھڑے ہونے کے دوران آپ کے جسم کے پوسچر کے پٹھے بھی کام میں آتے ہیں، یہی وجہ ہے کہ کھڑے ہونے سے بیٹھنے کی نسبت کچھ زیادہ کیلوریز جلتی ہیں۔ آپ کی عمر، وزن، جنس، اور قد بھی اس بات پر اثر انداز ہوتے ہیں کہ آپ کتنی کیلوریز جلاتے ہیں۔

مثال کے طور پر، اگر آپ کا وزن 130 پاؤنڈ ہے تو آپ بیٹھنے پر 98 کیلوریز اور کھڑے ہونے پر 130 کیلوریز جلائیں گے، جس میں 32 کیلوریز کا فرق ہے۔

اسی طرح اگر آپ کا وزن 150 پاؤنڈ ہے تو بیٹھنے پر آپ تقریباً 113 کیلوریز اور کھڑے ہونے پر 150 کیلوریز جلائیں گے، جو کہ 37 کیلوریز کا فرق ہے۔

اس کے علاوہ اگر آپ کا وزن 200 پاؤنڈ ہے تو بیٹھنے پر 150 کیلوریز اور کھڑے ہونے پر 200 کیلوریز جلائیں گے، جو کہ 50 کیلوریز کا فرق ہے۔

اگر آپ دن بھر زیادہ کھڑے رہیں گے تو یہ چھوٹا سا فرق وقت کے ساتھ مل کر بہت زیادہ کیلوریز میں بدل سکتا ہے۔

ایک مطالعے کے مطابق، اگر آپ دن میں چھ گھنٹے کھڑے رہتے ہیں تو ایک سال میں 5 پاؤنڈ سے زیادہ وزن کم کر سکتے ہیں، بشرطیکہ آپ کی کیلوریز کی مقدار برقرار رہے۔

اسٹینڈنگ ڈیسک

اگر آپ ایسی جگہ ملازمت کرتے ہیں جہاں آپ کا کام بیٹھنے کا ہے تو آپ اسٹینڈنگ ڈیسک استعمال کرنے پر غور کر سکتے ہیں، جو بیٹھنے سے کھڑے ہونے کی تبدیلی کی سہولت فراہم کرتا ہے۔

ورزش کے ذریعے کیلوریز جلانا

جتنا زیادہ آپ متحرک ہوں گے، اتنی ہی زیادہ کیلوریز جلیں گی۔ اگر آپ اپنے جانور کے ساتھ سیر کریں تو آپ بیٹھنے یا کھڑے ہونے کی حالت کی نسبت قریباً دوگنا زیادہ کیلوریز جلائیں گے۔

زیادہ متحرک سرگرمیاں آپ کے دل کی دھڑکن اور سانس لینے کی رفتار بڑھاتی ہیں، جس سے زیادہ کیلوریز جلتی ہیں۔

وزن کم کرنا

اگر آپ وزن کم کرنا چاہتے ہیں تو آپ کو اپنی کیلوریز کی مقدار سے زیادہ جلانی ہوں گی۔ ایک پاؤنڈ وزن کم کرنے کے لیے آپ کو ایک ہفتے تک روزانہ 500 کیلوریز زیادہ جلانی ہوں گی۔

زیادہ کیلوریز کی کمی سے غذا کے ذریعے وزن کم کرنا صحت مند طریقہ نہیں ہے۔ بہتر ہے کہ آپ ورزش بڑھائیں اور ایسی غذا اپنائیں جو آپ کی غذائی ضروریات پوری کرے۔

بیٹھے رہنے  کے خطرات

دن کا زیادہ وقت بیٹھ کر گزارنا کئی جسمانی صحت کے مسائل کا خطرہ بڑھاتا ہے، جس میں، میٹابولک سنڈروم جیسے  ہائی بلڈ پریشر اور ہائی کولیسٹرول، ٹائپ 2 ذیابیطس، موٹاپا اور کینسر شامل ہیں، اس کے علاوہ آرتھرائٹس، آسٹیوپوروسس، ڈپریشن، اور ذہنی صلاحیت میں کمی کا بھی خطرہ بڑھ جاتا ہے۔

روزانہ کی سرگرمی بڑھانا اور بیٹھنے کے وقت کو کم کرنا

اگر ورزش مشکل لگتی ہے تو بھی آپ بیٹھنے کا وقت کم کر سکتے ہیں۔ گھر، کام، یا اسکول میں چلنے سے آپ زیادہ کیلوریز جلا سکتے ہیں۔

پہلی منزل تک سیڑھیاں چڑھنے سے آپ کی جلائی جانے والی کیلوریز دوگنا ہو جاتی ہیں۔ باورچی خانے کی صفائی کرنے سے بھی آپ کو زیادہ کیلوریز ملیں گی۔

اس ضمن میں اسمارٹ واچز اور ٹریکن کافی مفید ثابت ہوسکتے ہیں یہ آپ کو یاد دلاتے ہیں کہ آپ نے کافی دیر سے حرکت نہیں کی، اور آپ کو کچھ وقت کے لیے کھڑے ہونے یا چلنے کی ترغیب دیتے ہیں۔