سوشل میڈیا کے اس دور میں بہت سی معلومات ایسی ہیں جو بلا کسی تصدیق اور تحقیق کے اگے بڑھا دی گئی ہے اور لوگوں کی بڑی تعداد اسے جاننے کے بجائے اس پر یقین کر بیٹھی ہے جن کا حقیقت سے کوئی تعلق نہیں۔ ماہرین صحت نے چند ایسی ہی غط فہمیوں کی نشاندہی کی ہے جن  کا حقیقت سے کوئی تعلق نہیں۔

کم کیلوری اور کم چربی والے کھانے زیادہ صحت بخش ہوتے ہیں

عام رجحان ہے کہ کم کیلوری اور کم چربی والے کھانے زیادہ صحت بخش ہوتے ہیں جبکہ اصل میں ایسا نہیں ہے کم کیلوری والے کھانے اکثر بھوک مٹا نہیں پاتے، یہی وجہ ہے کہ ان کھانوں کے بعد لوگ زیادہ کھانا کھانے لگتے ہیں۔ گریاں اور ایووکاڈو جیسے زیادہ کیلوری والی غذائیں غذائیت سے بھرپور ہونے کے ساتھ جسم کے لیے فائدہ مند بھی ہوتی ہیں۔

قدرتی شکر عام شکر سے زیادہ صحت مند ہے

شہد اور میپل سیرپ جیسی قدرتی مٹھاس کے ذرائع بھی عام شکر کی طرح ہی ہضم ہوتے ہیں اور ان کا زیادہ استعمال بھی صحت کے لیے نقصان دہ ہو سکتا ہے۔ کسی بھی قسم کی شکر کا اعتدال میں استعمال بہتر ہے۔

سی سالٹ عام نمک سے زیادہ فائدہ مند ہے

سی سالٹ اور عام نمک دونوں ہی سوڈیم فراہم کرتے ہیں اور زیادہ سوڈیم کا استعمال ہائی بلڈ پریشر اور دیگر مسائل کا سبب بن سکتا ہے۔ اس لیے نمک کا استعمال کم اور مناسب حد میں رکھنا ضروری ہے۔

انڈے نقصان دہ ہوتے ہیں اور کولیسٹرول بڑھاتے ہیں

انڈا دنیا کی سب سے زیادہ متنازعہ غذا ہے، ایک عرصے تک اسے کولیسٹرول بڑھانے والی غذا کے طور پر لیا جاتا ہے، تاہم اب ماہرین کا کہنا ہے کہ ہفتے میں 6 سے 12 انڈے کھانا عام طور پر محفوظ ہے، کیونکہ انڈے پروٹین، وٹامنز اور دیگر فائدہ مند غذائی اجزاء فراہم کرتے ہیں۔

6  بجے کے بعد کھانا کھانا وزن بڑھاتا ہے

آپ کے جسم کے لیے کھانے کا وقت اتنا اہم نہیں جتنا کہ کھانے کی مقدار اور معیار ہے۔ دیر سے کھانا وزن بڑھنے کا سبب نہیں بنتا، جب تک کہ آپ زیادہ کھانا نہ کھائیں۔

کافی کھانے کی جگہ نہیں لے سکتی

کافی میں غذائیت کم ہوتی ہے، اس لیے اسے ناشتے یا کھانے کا متبادل نہیں بنایا جا سکتا۔ بہتر ہے کہ ناشتے میں پروٹین اور کاربوہائیڈریٹ سے بھرپور غذائیں شامل کی جائیں تاکہ دن کا آغاز اچھی طرح ہو۔