چلنا ایک ایسی سرگرمی ہے جو آپ کی صحت کو بہتر بناتی ہیں، تاہم اس میں چلنے کی رفتار کو خاص اہمیت حاصل ہے، اگر کوئی شخص بہت ہی آہستہ چلتا ہے تو یہ عمر رسیدگی کے علاوہ صحت کے کئی مسائل کی جانب اشارہ کرتا ہے تو ایک بالغ فرد کے چلنے کی رفتار کتنی ہونی چاہئے؟

اس سوال کے جواب میں ماہرین کا کہنا ہے کہ ایک بالغ کی اوسط چلنے کی رفتار تقریباً 3 میل فی گھنٹہ (mph) ہے، مگر یہ مختلف عوامل جیسے عمر، جنس، قد، وزن، فٹنس کی سطح، اور زمین کی نوعیت کے مطابق مختلف ہو سکتی ہے، اس کے علاوہ آپ کی میٹابولک ریٹ، وزن، کمر کا سائز، اور پٹھوں کی طاقت بھی آپ کی رفتار پر اثر انداز ہوتی ہے۔

جاننا یہ ہے کہ آپ کتنی تیزی سے چلتے ہیں، اور کیوں اور یہ آپ کی صحت کو کیسے بہتر بنا سکتی ہے۔

عمر کے لحاظ سے اوسط چلنے کی رفتار

عمر بھی چلنے کی اوسط رفتار میں ایک اہم عنصر ہے۔ 2020 میں ایک رپورٹ میں مختلف مطالعات کا تجزیہ کیا گیا جس میں عمر کے لحاظ سے چلنے کی رفتار کو دیکھا گیا۔

جنس

عورت اور مرد حضرات کی چلنے کی رفتار بھی مختلف ہوتی ہے۔

تیز چلنے کی رفتار کیا ہے؟

تیز چلنے کی رفتار ہر شخص کے فٹنس لیول اور دیگر عوامل کے لحاظ سے مختلف ہو سکتی ہے، مگر ایک آسان طریقے سے آپ یہ جانچ سکتے ہیں کہ آپ تیز چل رہے ہیں یا نہیں، اگر آپ تیز چل رہے ہیں تو آپ بات کر سکتے ہیں مگر گانا نہیں گا سکتے۔ آپ کی رفتار تقریباً 3 mph ہو سکتی ہے، مگر یہ رفتار چلنے جیسی نہیں ہوگی۔

سینٹرز فار ڈیزیز کنٹرول اینڈ پریوینشن (CDC) کے مطابق، تیز چلنے کی رفتار 3.5 سے 4 mph ہونی چاہئے، جو کہ اعتدال پسند شدت کی جسمانی سرگرمی سمجھی جاتی ہے۔ 2018 کے مطالعے میں یہ تجویز کیا گیا کہ بالغوں کے لیے 100 قدم فی منٹ چلنا صحت کے فوائد حاصل کرنے کا بنیادی ہدف ہے۔

چلنے کی رفتار اور صحت

چلنے سے جو فوائد حاصل ہوتے ہیں یہاں پیش کیے جارہے ہیں

تیز چلنا مزاج کو بہتر بناتا ہے، عمر کے ساتھ ذہنی زوال کو سست کرتا ہے، پٹھوں کو مضبوط  اور ان کی ساخت کو بہتر بناتا ہے، اس کے علاوہ یہ ہڈیوں اور جوڑوں کی صحت کو بڑھاتا ہے اس طرح یہ ممکنہ طور پر زندگی کی مدت بڑھاتا ہے۔

چلنے کی رفتار کو منظم کرنے کے کئی دیگر فائدے بھی حاصل ہوتے ہیں

دل کی صحت:

 تیز چلنے سے دل کی دھڑکن بڑھتی ہے، بلڈ پریشر کم ہوتا ہے، امرض قلب سے تحفظ ملتا ہے، اور دل کے پٹھے مضبوط ہوتے ہیں۔

وزن میں کمی:

 تیز چلنے سے تقریباً 30 منٹ میں 200 کیلوریز جلائی جا سکتی ہیں (آپ کے وزن کے حساب سے)۔ روزانہ کیلوریز کو جلانے اور کھانے کے مقابلے میں زیادہ کیلوریز جلانا وزن کم کرنے میں مددگار ثابت ہوتا ہے۔

توانائی میں اضافہ:

 تیز چلنے کے دوران سانس لینے کی رفتار بڑھتی ہے، جس سے جسم میں آکسیجن کی رفتار تیز ہوتی ہے، جو توانائی، صحت یابی کی صلاحیت، اور جسم سے فاسد مادوں کی صفائی میں مدد دیتی ہے۔