امریکہ کے مشہور کوسکو اسٹور نے ایک معمولی سی غلطی کی وجہ سے صارفین سے  80,000  پاؤنڈ مکھن واپس منگوالیا۔

واضح رہے کہ کوسکو ہول سیل کارپوریشن ایک امریکی ملٹی نیشنل کارپوریشن ہے  جس کے اسٹور دنیا بھر میں موجود ہے، آپ اس اسٹور سے بغیر ممبرشپ کے خریداری نہیں کر سکتے، تاہم یہاں پر سامان ہول سیل ریٹ پر لیکن بلک میں ملتا ہے۔

کوسکو نے پچھلے ایک ماہ میں تقریباً 79,200 پاؤنڈ  مکھن جس میں دو طرح کے مکھن شامل ہیں صارفین سے واپس منگوالیا کیونکہ ان کے لیبلز پر یہ نہیں لکھا تھا کہ ان میں دودھ شامل ہے۔

یہ مکھن ٹیکساس میں  موجود کوسکو کے مختلف اسٹورز سے فروخت ہوئے تھے، جبکہ یہ تمام مکھن ٹیکساس میں موجود “کانٹیننٹل ڈیری فسیلیٹیز ساؤتھ ویسٹ” میں تیار ہوئے تھے جبکہ ان بیسٹ بائی  تاریخیں ابھی باقی تھی۔

ان تمام مکھن میں دودھ کی جگہ کریم لکھا گیا تھا تاہم FDA  کے مطابق دودھ ایک الرجی پیدا کرنے والا عنصر ہے جو ان لوگوں کے لیے صحت کے مسائل پیدا کر سکتا ہے جو دودھ سے الرجک ہیں۔ یہ مسائل عارضی یا طبی نوعیت کے ہوسکتے ہیں۔

2004 کے فوڈ آلرجین لیبلنگ اینڈ کنزیومر پروٹیکشن ایکٹ کے تحت دودھ، گندم، انڈے، سویا بین، مچھلی، مونگ پھلی، شیل فش اور درختوں کے گری دار میوے کو الرجی پیدا کرنے والے مواد کی فہرست میں شامل کیا گیا ہے۔ ایسے کسی بھی پروڈکٹ پر جو ان میں سے کوئی بھی چیز ہو، لیبل پر لکھنا ضروری ہے۔