ہر نئی سائنسی ایجادسو چنے کا ایک نیا زاویہ فراہم کرتی ہے جس طرح ڈرون کا کام تو شاید کچھ اور ہو تاہم دنیا میں کئی ڈرون شوز کمپنیاں اسے اپنے انداز سے استعمال کررہی ہیں۔

ڈرون شوز دنیا بھر میں کسی خاص دن یا تہوار پر منعقد کیے جاتے جس میں اس دن کی مناسبت سے ڈرون کمپنیاں فضا میں تصاویر بناتی ہیں ان شاہکار کو دیکھ کر حیران رہ جاتے ہیں، اسی طرح کا ایک شو شمالی ٹیکساس میں منعقد کیا گیا۔

اے ناتھ ٹیکساس ڈرون شو کمپنی نے 4,981 ڈروونز کا استعمال کرکے آسمان پر جنجر بریڈ ہاؤس کی تصویر بنا کر ایک نیا عالمی اعزاز اپنے نام کر لیا ہے۔

یہ شوکرسمس کی تعطیلات کے موضوع پر مبنی تھا جسے کوپیل میں واقع اسکائی ایلیمنٹس ڈروون شو اور یوویفی نے پیش کیا، اس میں 4,981 ڈروونز کا استعمال کرتے ہوئے کرسمس اور موسم سرما کی تعطیلات کی مناسبت سے فضا میں تصاویر بنائی گئیں، جن میں سانتا کلاز اور مختلف اسنومین شامل تھے۔

یہ ڈرون شو اب تک کا سب سے بڑا ہوائی نمائش کا شو تھا جس کی تصدیق گنیز ورلڈ ریکارڈز نے کی، جس میں ملٹی رورٹرز ڈروونز نے حصہ لیا اس نمائش کی سب سے خاص ڈرون سے جنجر بریڈ ہاؤس کی تصویر بنانا تھا۔

واضح رہے کہ اسکائی ایلیمنٹس اس سال کے آغاز میں پہلے ہی گنیز ورلڈ ریکارڈ اپنے نام کر چکی ہے، یہ ریکارڈ سان ڈیاگو کومی کن میں فلم ڈیڈپول اور وولورین کی تشہیر کے دوران قائم ہوا تھا جس نے سابقہ ریکارڈ توڑاتھا۔

جنجر بریڈ ہاؤس ہینسل اور گریٹل کی دوصدی پرانی کہنا کا گھر ہے جو روٹی کیک رنگ برنگی چاکلیٹ اور بنٹی سے بنا ہوا تھا تاہم یہ گھر کہانی سے نکل کر حقیقی دنیا میں شامل ہوگیا ہے اور کرسمس کے موقع پر اب یہ گھر دنیا بھر میں جابجا دکھائی دیتے ہیں۔