خواتین کی بڑی تعداد  اپنے چہرے کی حفاظت اور جلد کی دلکشی بڑھانے کے لیے مختلف طریقے اور مصنوعات استعمال کرتی ہیں تاہم وہ ہاتھوں کو نظر انداز کر دیتی ہیں۔

آپ کے خوبصورت ہاتھ آپ کی دلکشی اور جاذبیت میں چار چاند لگاتے ہیں، ہاتھوں کو خوبصورت بنانے کے لیے ان کا خیال اور حفاظت اتنی ہی ضروری ہے جتنی چہرے کی۔

واضح رہے کہ ہاتھ سے آپ کی عمر بڑھنے کے بارے میں سب سے زیادہ پتا چلتا ہے، یہاں ہاتھوں کو جوان رکھنے اور ان کی عمر کو کم کرنے کے تین عام سے طریقے پیش کیے ہیں۔

یہ بھی پڑھیں: ان 5 پھلوں کے چھلکوں سے چہرے کا حسن بڑھائیں

سن اسکرین

ہاتھوں کو جواں بنانے کے لیے پہلا کام جو آپ کو لازمی کرنا ہے وہ سن اسکرین کا استعمال ہے، یہ آپ کے ہاتھوں کے لیے حقیقت میں جواں بنانے کے لیے کسی جادو کی طرح کام کرے گا۔ سن اسکرین سورج کی مسلسل نمائش کے خلاف آپ کو ایک حفاظتی ڈھال فراہم کرے گا۔

آپ گاڑی میں ہو یا پیدل سفر کر رہے ہوں آپ کے ہاتھ مستقل طور پر کھلے رہتے ہیں، انہوں تجویز دی کہ جو لوگ عمر کے آثار کو کم کرنا چاہتے ہیں، وہ اپنے چہرے پر استعمال ہونے والی سن اسکرین اپنے ہاتھوں پر بھی لگائیں۔

ہاتھوں کا فیشل

ہاتھوں کو جواں بنانے کے لیے دوسرا اہم کام جو آپ کو کرنا ہے وہ ہے فیشل، سونے سے قبل ہاتھوں کی پشت اور یہاں تک کہ انگلیوں پر ایکسفولیٹنگ ماسک لگائیں، جب یہ سیٹ ہو جائے، تو ایک اچھی سی کریم لگا کر رات بھر رہنے دیں، صبح بیدار ہونے پر دھولیں، آپ کے ہاتھ ایسے نظر آئیں گے جیسے انہوں نے زندگی بھر کبھی کام نہیں کیا۔

تیسرا اور آخری مشورہ یہ ہے کہ ہاتھوں کے لیے ریٹنول، جسے وٹامن اے بھی کہا جاتا ہے استعمال کریں۔

جن دنوں آپ اپنے ہاتھوں کو ایکسفولیئٹ نہیں کر رہے ہوتے، ان دنوں میں ہاتھوں کی پشت پر تھوڑا سا ریٹنول لگائیں تاکہ آپ کی جلد اتنی ہی مؤثر طریقے سے دوبارہ جھریوں سے پاک ہوجائے جیسے آپ کا چہرہ دکھائی دیتا ہے۔

کوشش کریں کہ جب بھی آپ اپنے ہاتھ دھوئیں تو فوراً لوشن لگائیں، اس طرح  آپ کے ہاتھوں پر عمر رسیدگی کے اثرات دیر سے ظاہر ہوں گے۔