ایک انتہائی منفرد تحقیق سے یہ بات سامنے آئی ہے کہ جلد پرموجود ٹیٹو میلانوما (جلد کے مہلک کینسر) سے تحفظ  فراہم کر سکتا ہے۔

ایک نئی تحقیق کے مطابق، وہ افراد جو اپنے بازو یا کمر پر خوبصورت ٹیٹو بنواتے ہیں، وہ ممکنہ طور پر مہلک جلدی کینسر میلانوما سے محفوظ رہ سکتے ہیں۔

یہ تحقیق امریکہ کی اسٹیٹ یوٹاہ میں 2020 سے 2021 تک جاری رہی، جس کے دوران میلانوما کے 1167 کیسز کا 5800 صحت مند افراد سے موازنہ کیا گیا۔

تحقیق کے نتائج حیران کن تھے، ایسے افراد جنہوں چار یا زیادہ ٹیٹو بنوائے ، ان میں میلانوما کا خطرہ 56 ، جبکہ تین یا اس سے زیادہ بڑے ٹیٹو بنوانے والوں میں یہ خطرہ 74 فیصد کم نوٹ کیا گیا، تاہم یہ خطرہ دو یا زیادہ ٹیٹو بنوائے ان میں بھی کم پایا گیا۔

مححقین اس کی ممکنہ وجوہات یہ بتاتے ہیں کہ ٹیٹوبنوانے کے بعد لوگوں کی بری تعداد سورج سے بچاؤ کے لیے زیادہ محتاط رویہ اپناتی ہے اورجلد کی حفاظت کے لیے سن اسکرین سمیت دیگر مصنوعات کا استعمال کرتی ہے۔

یہ بھی پڑھیں: جلد پر ٹیٹو کی مقبولیت کم، اب کونسا ٹیٹو ٹرینڈ بن گیا

ٹیٹوبنانے کے لیے جو سیاہی استعمال کی جاتی ہےوہ جلد پر UV  شعاعوں کو روکنے کے لیے حفاظتی  تہہ بناتی ہے۔

ٹیٹو بنانے سے جلد میں ایسا مدافعتی ردعمل پیدا ہو سکتا ہے جو کینسر کے ابتدائی خلیات کو ختم کرنے صلاحیت رکھتا ہو۔

واضح رہے میلانوما ایک جلد کا کینسر ہے جو مرد حضرات کی نسبت خواتین کو زیادہ متاثر کرتا ہے۔

محققین نے واضح کیا ٹیٹو میلانوما کے خطرے کو کم کر سکتے ہیں، لیکن یہ کہنا درست نہیں کہ جتنا زیادہ ٹیٹو بنوائیں گے، خطرہ اتنا ہی کم ہو جائے گا، اس کے لیے مزید تحقیق کی ضرورت ہے۔