ڈائریکٹر گائے رچی اور مائیکل بے کی خواہشات اور ناقص منصوبہ بندی نے ’ مشن امپاسیبل ‘کو غیر متوقع طور پر ناکام بنادیا

کچھ فلمیں ایسی ہوتی ہیں جو اتنی اچھی ہوتی ہیں کہ آپ انہیں لمبے عرصے تک یاد رکھتے ہیں، اسی طرح کچھ فلمیں اتنی بھونڈی ہوتی ہیں جنہیں آپ بالکل بھی یاد نہیں کرنا چاہتے۔ افسوس ناک طور پر ہدایت کار گائے رچی کی تازہ ترین فلم آپریشن فارچیون کا تعلق بھی بعد والے زمرے سے ہے ، کیونکہ اسے صرف اس ورژن کو محض اس شوق کو پورا کرنے کےلیے بنایا گیا ہے، تاکہ یہ دیکھا جاسکے کہ اداکار ٹام کروز کے بغیر ’ مشن امپاسیبل ‘کیسی نظر آتی؟اس فلم کی ریلیز میں کافی تاخیر بھی ہوئی۔ایسی اطلاعات بھی ملیں کہ شاید اس فلم کی ریلیز کو روک دیا گیا تھا، تاہم بعد میں اس فلم کو بڑے پردے پر دیکھنے کے بعدشائقین کافی مایوس نظر آئے ۔یہ کہنا غلط نہ ہوگا کہ اگر اس فلم کو سنیما گھروں تک نہ لایا جاتا تو زیادہ بہتر ہوتا کیونکہ اس فلم نے بطور ہدایت کار گائے رچی اور بطور اداکارجیسن سٹیتھم کے کریئر کو کوئی فائدہ نہیں پہنچایا ۔ سب سے بڑھ کر وہ لوگ شدید مایوسی کا شکار ہوئے جو ٹکٹ کی رقم خرچ کرکے اسے دیکھنے پہنچے تھے ۔

پلاٹ:

’آپریشن فارچیون ‘کی کہانی سپر اسپائی اورسن فارچیون (جیسن سٹیتھم) کے ایڈونچر کے گرد گھومتی ہے جسے ان کے قریبی ساتھی ناتھن (کیری ایلویز) نے اعلیٰ درجے کی ٹیم کی قیادت کرنے کے لیے چنا ہے، اور جنہیں اعلیٰ تربیت یافتہ آپریٹو کی ایک اور ٹیم کے ذریعے چوری کی گئی مہلک نئی ہتھیاروں کی ٹیکنالوجی کو بازیافت کرنے کا کام سونپا گیا ہے۔فلم میں شامل مشتبہ کردارو ں میں دیکھنے والوں کی دلچسپی پیدا کرنےکےلیے فلم میں ٹیم ہالی وڈ کے سب سے بڑے اسٹار ڈینی فرانسیسکو (جوش ہارٹنیٹ) بھی موجود ہیں ۔کیونکہ وہ ارب پتی گریگ سیمنڈز (ہیو گرانٹ) کے پسندیدہ اداکار اور مڈل مین ہیں ۔جب مخالف ٹیم کی اطلاع سرکاری ٹیم تک پہنچتی ہے تو معاملات بدل جاتے ہیں ۔ اداکار کو ٹیم کے حقیقی ارادوں کا پتہ چل جاتا ہے اور مخالفین لالچی کے طور پر ظاہر ہونے لگتے ہیں۔ اس طرح وہ اس ہتھیار پر ہاتھ ڈالنے کی دوڑ میں مصروف ہوجاتے ہیں ، جس سے عالمی نظام کو درہم برہم کرنے کا خطرہ لاحق ہو سکتا ہے۔

مثبت پہلو:

فلم ’آپریشن فارچیون ‘ کے کئی مثبت پہلو دیکھے جاسکتے ہیں ۔ جیسا کہ اس کے ٹریلر نے سامعین کو اپنی جانب متوجہ کرلیا۔ جوش ہارٹنیٹ کو طویل عرصے کے بعد ایک اہم کردار دیا گیا ، جب کہ فلم کی شوٹنگ مراکش، فرانس، ترکی اور قطر جیسے غیر ملکی دلکش مقامات پر کی گئی ۔فلم میں بہترین انداز میں دکھایا گیا ہے کہ کیری ایلویس کے کردار نے تصوراتی طور پر اپنے باس کے کمرے میں ہونے والے جرم کے بارے میں جاننے کے بعد اسی سطح پر اس سے نمٹنے کےلیے کوشش کی ۔ جس طرح انہوں نے اپنی ٹیم کا انتخاب کیا ، اس سے شائقین کے ذہن میں ماضی میں ان کی بنائی ہوئی تمام بہترین فلموں کی یادیں تازہ ہوجاتی ہیں ۔اداکار جیسن سٹیتھم کے پرستار انہیں اپنے سب سے کامیاب ساتھی کے ساتھ دوبارہ ملتے ہوئے دیکھ کر خوش ہوئے جب کہ جوش ہارٹنیٹ کو مرکزی کردار میں دیکھنا بھی ان کے مداحوں کےلیے خوشش کرنے کےلیے کافی ہوگا۔اس کے ساتھ ہی ٹیم نے بہت ہی متاثر انداز میں کام کیا چاہے وہ دنیا کے کسی بھی حصے میں ہوں اس سے کوئی فرق نہیں پڑتا ۔ اسی طرح ایک منظر میں گاڑی کا پیچھا کرنے کا منظر اچانک ختم ہو نے کے باوجود جب تک نظر میں رہتا ہے، آنکھوں کو بھلا لگتا ہے۔یہ فلم گائے رچی کی فلم’ دی مین فرام انکل ‘ سمیت دیگر فلموں کی طرح مثبت پیغام کے ساتھ اختتام پذیر ہوتی ہے۔

منفی پہلو:

فلم ’آپریشن فارچیون ‘کا سب سے افسوسناک پہلو یہ ہے کہ جب ناظرین اس فلم کو دیکھ کر تھیٹر سے نکلتے ہیں تو انہیں فلم کا زیادہ تر حصہ یاد ہی نہیں رہتا کیونکہ اس فلم میں یاد رکھنے کے لیے کچھ ہے ہی نہیں ۔ فلم کے کردار ایسی چیز نہیں ہیں جو آپ نے اس سے پہلے کبھی اسکرین پر نہیں دیکھے ہوں گے ۔فلم کا پلاٹ ، ہالی وڈ سمیت دیگر مقامات پر اسٹنٹ کو موت کے گھاٹ اتارنا خاصا بچگانہ لگتا ہے۔ہیو گرانٹ نے اس کردار کو ادا کرکے گویا خود کو ضائع کیا ہے، جب کہ کیری ایلویس کے بارے میں بھی یہی کہا جا سکتا ہے،جنہوں نے اس فلم کو کرنے کے دوران اپنی کھوئی ہوئی شان و شوکت کو بحال کرنے کی پوری کوشش کی ہے۔یہاں تک کہ فلم کے آغاز میں جیسن سٹیتھم کے محاورات کا ذکر شامل کیا گیا لیکن جب انہیں پہلی لڑائی کے دوران دکھایا گیا تو یوں محسوس ہوا جیسے انہیں اپنے کردار کے ساتھ کبھی کوئی مسئلہ تھا ہی نہیں ۔

جہاں تک جاسوس کا کردار ادا کرنے والے اداکاروں کا تعلق ہے، جیسن سٹیتھم کے علاوہ کوئی بھی سامعین کے ساتھ رجسٹر نہیں ہوا۔ اوبرے پلازہ کو فلم کا سب سے زیادہ پریشان کن پہلو کہا جاسکتا ہے، کیونکہ وہ نہ تو دلکش یا خوبصورت دکھائی دیتی ہیں اور نہ ہی کسی ٹیکنالوجی کی ماہر ایجنٹ کی وضاحت پر فٹ بیٹھتی ہیں ۔ان کی جیسن سٹیتھم یا جوش ہارٹنیٹ کے ساتھ کوئی کیمسٹری نہیں ہے جو ایک کمزور لنک کے طور پر سامنے آتی ہیں ۔ اگر بگسی میلون نے مشن امپاسبل سیریز سے ونگ رمز لوتھر اسٹیکل کو بندر بنانے کی بھرپور کوشش نہ کی ہوتی تو فلم کے آخر میں انہیں یاد رکھا جاتا۔ فلم دیکھنے کے دوران بعض اوقات ایڈیٹنگ بھی عجیب محسوس ہوئی ، خاص طور پر ایک فائٹ سین کے بعد ، فلیش بیک میں ظاہر ہوا۔

یہ زیادہ بہتر ہوتا اگر اس فلم کو مشن امپاسبل سپوف کے طور پر مارکیٹ کیا جاتا جس میں ٹام کروز خود شامل تھے لیکن ڈائریکٹر کے ذہن میں خیالات کچھ مختلف تھے ۔

حتمی فیصلہ، (5 میں سے 2):

 فلم آپریشن فارچیون کی ناکامی سے یہ تاثر ملتا ہے کہ ہدایت کار گائے رچی ایک فلم کی ہدایت کاری کے دوران خود کو بے یارو مدد گار محسوس کرتے ہیں جو کہ انہیں کہیں سے بھی مضبوط شخص کے طور پر ثابت نہیں کرتا۔ وہ ایک ایسی فرنچائز بنانا چاہتے تھے جو مشن امپاسیبل کا مقابلہ کرسکے لیکن وہ ان تمام اجزاء کو بھول گئے ۔ بہترین کاسٹنگ، واقعی ایک ناممکن مشن ہے اور ایسے اسٹنٹ اس سے پہلے کبھی نہیں کیے گئے ۔اس کے بجائےوہ ایک ایسی فلم بناتے ہیں جس میں ایک کردار ٹاور سے گر کر مر جاتا ہے، پھر بھی سیل فون بچ جاتا ہے، جہاں فائر وال کو ہیک کرنا نہایت ہی آسان دکھایا گیا ہے۔ جہاں گارڈز احاطے کی حفاظت کے بجائے مرنے کے لیے تیار ہوتے ہیں۔ فلم کے عنوان کا ترجمہ روس آف وار کے طور پر کیا گیا ہے۔فلم میں ایکشن کو ایڈونچر سے زیادہ ایک کون مووی کی طرح دکھایا گیا ہے، جس سےاس کو مدد نہیں ملتی کیونکہ اس نے ہر صنف کو پورا کرنے کی کوشش تو کی لیکن کسی ایک صنف میں بھی رجسٹر ہونے میں ناکام رہی۔فلم کے کرداروں کےلیے موزوں اداکاروں کے بجائے دستیاب اداکاروں کو استعمال کرنا ، بغیر کسی وجہ کے دنیا بھر میں شوٹنگ کرنا، اور ایک نامکمل پراجیکٹ کو ریلیز کرنا ہی وہ وجوہات ہیں جن کی وجہ سے آپریشن فارچیون کا سیکوئل نہیں بننا چاہیے۔اور یہی وجہ ہے کہ جیسن سٹیتھم کو دی ایکسپینڈیبلز اور ہوبز اینڈ شا جیسی فرنچائزز پر قائم رہنا چاہیے جہاں کم از کم ان کا کردار قدرے مناسب ہے اور اس میں کارکردگی دکھانے کے مواقع موجود ہیں۔