کیفی خلیل کے نئے گانے کہانی سنو نے یوٹیوب ورلڈ گلوبل چارٹس میں جگہ بنا لی ہے۔
کراچی کے علاقے لیاری سے تعلق رکھنے والے نوجوان گلوکار اور موسیقار، کیفی خلیل نے اپنے انسٹاگرام ہینڈل پر یہ خبر شیئر کی۔ اظہار تشکر کے ساتھ یہ خبر شیئر کرتے ہوئے انہوں نے اپنے مداحوں اور حامیوں کا شکریہ ادا کیا۔ انہوں نے لکھا، ’’میری کہانی کو آواز دینے کے لیے آپ کا بہت بہت شکریہ! میری تمام محبت اور دعائیں ہر اس شخص کے لیے جنہوں نے میرے پورے کیریئر میں میرا ساتھ دیا۔‘‘
یوٹیوب ورلڈ گلوبل چارٹس میں 55 ویں نمبر پر، یہ گانا یک طرفہ محبت کی دیرپا اذیت اور ناکامی اور ادھورے خوابوں سے جڑے درد کو پیش کرتا ہے۔
موسیقار گھرانے سے تعلق رکھنے والے کیفی خلیل نے اپنے کیریئر کا آغاز اوائل عمری میں ہی گلوکاری سے کردیا تھا۔ وہ خاص طور پر روایتی بلوچی موسیقی میں جدید موسیقی کی آمیزش کے ذریعے ایک منفرد انداز تخلیق کرنے کے لیے جانے جاتے ہیں۔
Advertisement
کوک اسٹوڈیو کے سیزن 14 میں، انہوں نے وہاب بگٹی اور لیاری کی ایک اور نوجوان گلوکارہ ایوا بی کے ساتھ ‘کنا یاری گایا تھا۔ یہ گیت بے حد مقبول ہوا تھا۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
