وزارت خزانہ کی جانب سے جاری کیے گئے سالانہ مالیاتی اعداد وشمار کے مطابق مالی سال 22-2021 میں پاکستان کا بجٹ خسارہ بڑھ کر جی ڈی پی کے 7 اعشاریہ 9 فیصد تک پہنچ گیا ہے۔وزارت کے مطابق گزشتہ مالی سال میں بجٹ خسارہ 7 اعشاریہ 1 فیصد رہا۔ مالی سال 22-2021 میں جی ڈی پی کا حجم بڑھ کر 66 اعشاریہ 95 ٹریلین روپے ہوگیا ہے، جو پچھلے مالی سال میں 47 اعشاریہ 71 ٹریلین روپے تھا۔ لہذا مالی سال 22-2021 میں بجٹ خسارے میں 5 اعشاریہ 26 ٹریلین روپے کا خسارہ ہوا، جو پچھلے سال کے خسارے سے 55 فیصد زیادہ ہے۔

تاہم مالی سال 2022 کے دوران بنیادی خسارہ 2 اعشاریہ 8 ٹریلین روپے (جی ڈی پی کا 3 اعشاریہ 1 فیصد) رہا، جب کہ گزشتہ سال کی اسی مدت میں 654 بلین روپے (جی ڈی پی کا ایک اعشاریہ 2 فیصد) کا بنیادی خسارہ دیکھا گیا۔

بنیادی طور پر، مالی سال 2022 میں کل ریونیو میں 16 اعشاریہ 4 فیصد اضافہ ہوا جو کہ گزشتہ مالی سال میں 6 اعشاریہ 90 ٹریلین روپے کے مقابلے میں 8 اعشاریہ 4  ٹریلین روپے تک پہنچ گیا  اور مالیاتی توازن میں مدد فراہم کی، جو گزشتہ سال کی اسی مدت میں 12 اعشاریہ 4 فیصد کے مقابلے میں جی ڈی پی کا 12 فیصد ہوگیا۔

ٹیکس ریونیو کی کل وصولی سال بہ سال کی بنیاد پر 28 اعشاریہ 1 فیصد بڑھ کر 6 اعشاریہ 76 ٹریلین روپے ہوگئی ہے۔ فیڈرل بورڈ آف ریونیو (ایف بی آر) کی جانب سے اس مدت کے دوران 6 اعشاریہ 14 ٹریلین روپے کی ٹیکس وصولی ہوئی، جو مالی سال 2021 کے 4 اعشاریہ 76 ٹریلین روپے کی وصولی سے 28 اعشاریہ 9 فیصد زیادہ ہے۔بالواسطہ ٹیکسوں میں اضافہ (سال بہ سال کی بنیاد پر 27 اعشاریہ 4 فیصد اضافے سے 3 اعشاریہ 86 ٹریلین روپے) بنیادی طور پر زیادہ سیلز ٹیکس (سال بہ سال کی بنیاد پر 27 اعشاریہ 2 فیصد اضافے سے 2 اعشاریہ 53 ٹریلین روپے) اور براہ راست ٹیکس (سال بہ سال کی بنیاد پر بڑی تعداد میں ٹیکس دہندگان کے ساتھ 31 اعشاریہ 9 فیصد اضافے سے 2 اعشاریہ 28 ٹریلین روپے) نے مجموعی وصولی میں حصہ لیا۔حکومت نے غیر ٹیکس محصولات میں 1 اعشاریہ 28 ٹریلین روپے اکٹھے کیے، جو سال بہ سال کی بنیاد پر 21 اعشاریہ 5 فیصد کمی کو ظاہر کرتا ہے۔ یہ خاص طور پر کم پیٹرولیم ڈیولپمنٹ لیوی (سال بہ سال کی بنیاد پر 70 فیصد کمی سے 128 بلین روپے) کی وجہ سے واجب الادا تھا۔ اس کے بعد اسٹیٹ بینک آف پاکستان کے منافع میں سال بہ سال کی بنیاد پر 27 اعشاریہ 2 فیصد کمی کے بعد 474 بلین روپے رہ گئے ہیں۔ دوسری طرف پاکستان ٹیلی کمیونیکیشن اتھارٹی کا منافع مالی سال 2022 کے دوران 103 بلین روپے (سال بہ سال کی بنیاد پر 164 اعشاریہ 8 فیصد) تک بڑھ گیا۔اس کے علاوہ کل اخراجات سال بہ سال کی بنیاد پر 29 فیصد بڑھ کر 13 اعشاریہ 30 ٹریلین روپے ہوگئے ہیں، جو کہ مالی سال 22-2021 میں جی ڈی پی کا 19 اعشاریہ 9 فیصد تھا جو پچھلے مالی سال میں جی ڈی پی کے 18 اعشاریہ 5 فیصد تھا۔

مزید تفصیلات سے پتہ چلتا ہے کہ موجودہ اخراجات میں سال بہ سال کی بنیاد پر 26 اعشاریہ 8 فیصد اضافہ ہوا، جس میں سے دفاع میں سال بہ سال کی بنیاد پر 7 اعشاریہ 2 فیصد اضافہ ہوا۔ تاہم مارک اپ ادائیگیوں میں سال بہ سال کی بنیاد پر 15 اعشاریہ 7 فیصد اضافہ ہوا جس کے بعد یہ 3 اعشاریہ 18 ٹریلین روپے تک پہنچ گئیں۔ مزید برآں، ترقیاتی اخراجات اور حکومت کی جانب سے کی گئی نیٹ لینڈنگ میں سال بہ سال کی بنیاد پر 26 فیصد اضافہ ہونے کے بعد یہ 1 اعشاریہ 66 ٹریلین روپے ہوگیا ہے۔مالی سال 2022 میں پبلک سیکٹر ڈویلپمنٹ پروگرام کے کل اخراجات ایک اعشاریہ 62 ٹریلین روپے (سال بہ سال کی بنیاد پر 33 اعشاریہ 5 فیصد زیادہ) پر پہنچ گئے جس میں صوبائی اخراجات 1 اعشاریہ 22 ٹریلین روپے (سال بہ سال کی بنیاد پر 58 فیصد زیادہ) تھے، جو وفاق کی جانب سے تقسیم کیے گئے 400 بلین روپے (سال بہ سال کی بنیاد پر 9 اعشاریہ 2 فیصد کم) سے زیادہ تھے۔