کسی بھی قوم کی تشکیل میں سب سے اہم پہلو معاشی پالیسی سازی کے حوالے سے اس کا نقطہ نظر ہے۔تاہم پاکستان میں یہ ایک ایسا شعبہ ہے جو سمجھ سے بالاتر ہے۔معیشت گزشتہ پچھتر برس سے غلط اور متضاد معاشی منصوبوں کے ساتھ۔ آگے بڑھ رہی ہے۔ آج بھی ہمارے پاس  کوئی معاشی خاکہ نہیں ہے۔ ہم روزمرہ کی بنیاد پر زندگی گزار رہے ہیں۔ کوئی مستقل مزاجی نہیں ہے۔ کوئی سمت نہیں ہے۔ملک کئی دہائیوں کی مالی بداعمالیوں کے ہنگامہ خیز اور غیریقینی حالات میں بغیر پتوار کا بے سمت جہاز ہے۔

ہم الجھن زدہ ذہن کے ساتھ ایک دن تمام اشیاء تعیش کی درآمد پر پابندی لگانے کا فیصلہ کرتے ہیں۔اور دو ہفتوں سے بھی کم عرصے میں تمام بھاری کسٹم ڈیوٹی،چارجز وغیرہ  کی شرائط پراشیائے تعیش کی درآمدات پر سے پابندی کو اٹھالیتے ہیں۔ ہم مارکیٹوں کو وضاحت دیتے ہیں کہ درآمدات پر پابندی بین الاقوامی مالیاتی فنڈ کے ساتھ ناپسندیدہ معاملہ ہے، موجودہ معاشی دلدل سے باہر آنے کے لیے جس پر ہم اب انحصار کر رہے ہیں ۔

درآمدات پر پابندی لگاتے ہوئے اس بات کا کوئی خیال نہیں کیا گیا کہ اس طرح کے اقدام سے آٹوموبائل انڈسٹری کو کیا نقصان پہنچے گا۔ صورتحال پلٹ کرماضی کی جانب بھی جاسکتی ہے۔

ہم اس طرح کے اعتماد کے ساتھ ہدایات کیوں جاری کرتے ہیں اور پھر بغیر کسی پچھتاوے یا احساس جرم کے انہیں فوری طور پر واپس بھی لے لیتے ہیں۔ کیا ہم نہیں جانتے تھے کہ تحفظ پسندی کثیر جہتی مالیاتی اداروں کے لیے بالخصوص اور مغرب کے لیے بالعموم اشتعال انگیز چیز ہے؟کیا ہم آئی ایم ایف کے مراسلوں یا تبادلہ خیال میں استعمال ہونے والی انگریزی کو سمجھ نہیں پاتے؟اصل مسئلہ کیا ہے؟ کیا ہم اس کے مطابق نہیں سوچ سکتے کہ کیا تجویز کیا گیا ہے؟ آئی ایم ایف کو دیے گئے لیٹر آف انٹینٹ (ایل او آئی) کا سرسری جائزہ بہت کچھ ظاہر کرتا ہے، تسلیم کرتے ہیں کہ ہمارے انتخاب مضبوط کیس بنانے کے لیے محدود تھے، لیکن یہ تقریباً معاشی ہتھیار ڈالنے کے مترادف ہے۔

گرتے ہوئے روپے کو سہارا نہیں دیا جا سکتا۔ یہاں تک کہ اگر اسے زندگی کی حقیقت کے طور پر بھی قبول کر لیا جائے تو آئندہ پانچ، چار، تین یا دو برس کے لیے ہمارا کوئی معاشی منصوبہ ہے، کوئی نہیں۔

ٹیکس کا ڈھانچہ تقریباً ہر ہفتے تبدیل ہوتا رہتا ہے۔ خوردہ فروشوں پر ٹیکس لگایا جاتا ہے۔ وہ احتجاج کرتے ہیں۔ ٹیکس واپس لے لیے جاتے ہیں۔خزانے میں کوئی نئی اہم چیز شامل کرنے کے معاملے میں پہلے سے بدتر نئے فارمولے وضع کیے گئے ہیں۔ زر مبادلہ کی شرح دونوں سمتوں میں ڈرامائی طور پر جارہی ہے۔ایسے میں کوئی بھی کاروبار اپنی پیداواری صلاحیتوں کی منصوبہ بندی کیسے کر سکتا ہے۔مصنوعات کی لاگت ہی جب نامعلوم کے دائرے میں ہو۔ یہ بہت خطرناک صورتحال ہے۔ مالیاتی ادارے انٹربینک ریٹ سے  10 سے 12 روپے زیادہ پر ڈالر فروخت کررہے ہیں۔

بنگلہ دیش میں کچھ مالیاتی اداروں کے خازنوں نے منافع کے حصول کے مقصد کے تحت ایسا کرنے کی کوشش کی،  ریگولیٹر نے برق رفتاری سے ان کی نشاندہی کی اور انہیں الگ کر دیا۔بہتر کارپوریٹ منصوبہ بندی کے لیے ہمیں مارکیٹ میں استحکام کی ضرورت ہے۔ بہت زیادہ اتار چڑھاؤ، جو کہ فی الحال دور ہوتا نظر نہیں آتا تاہم یہ بالکل بھی اچھا نہیں ہے۔

عمومی طور پر کاروباری افراد کی مختصرالمدت حکمت عملی ہوتی ہے، وہ شاذ و نادر ہی ملک کے معاشی اہداف سے ہم آہنگ ہوتے ہیں۔ ہمارے پاس مثال کے طور پراس نقطہ نظر کی حامل  متعدد صنعتیں اور افراد موجود ہیں۔جن کا بنیادی مقصد منافع کمانا ہے اور وہ بھی ترجیحی بنیادوں پر راتوں رات بنانا۔اس رویے کے ساتھ یہ حیران کن بات نہیں کہ ہمارے پاس کوئی ٹاٹا اور برلا، وارن بوفے اور گودریج  وغیرہ جیسے گروپ نہیں ہیں۔مزید برآں  کاروباری طبقات کی جانب سے اقتصادی پالیسی کے غلط استعمال کے بارے میں بات ایک الگ موضوع ہے۔

 ہم بحیثیت قوم روشن خیال لوگ ہیں لیکن قومی ضروریات اور نظریات سے وابستگی کا فقدان ہے۔ ہم میں جذبہ حب الوطنی کی کمی ہے۔ ہم قابل فخر پاکستانی ہیں لیکن ملک کی ترقی اور پائیداری کے لیے معاشی جذبے کو فروغ دینے میں ناکام ہیں۔اپنے ساتھ دوسروں کے مفاد کا خیال رکھنا ہماری قومی خصوصیت نہیں ہے۔ چاہے وہ کارپوریٹ سیکٹر ہو یا حکومت کی سطح پر ہماری پالیسی سازی بہت تنگ نظر ہے۔ ہم اپنے لیے کمانے پر یقین رکھتے ہیں، اس کا اندازہ کارپوریٹ سیکٹر کی ڈیویڈنڈ پالیسی کا مشاہدہ کرنے سے بخوبی ہوجاتا ہے،جی ڈی پی کے سب سے کم ٹیکس کے ساتھ اسے منسلک کریں تو سب کچھ واضح ہوجاتا ہے کہ ان کا نقطہ نظر کتنا تنگ اور مختصرالمدت ہے۔

 اگر سیاستدان پالیسیوں اور سمت کو تیزی سے  بدلتے رہیں گے تو قوم کو ٹھوس معاشی بنیادوں پر قائم نہیں کیا جاسکتا، فکروعمل میں تسلسل ہونا ضروری ہے۔ پالیسیوں میں معاشی اور سماجی اہداف کے درمیان کامل موافقت کی عکاسی ہونی چاہیے۔

ہم ایشیا میں جاپان، جنوبی کوریا اور ملائیشیا جیسے ممالک سے یا دوسری جنگ عظیم کے بعد فرانس اور جرمنی کی اقتصادی ماڈلنگ سے سبق حاصل کرسکتے ہیں۔ تعمیر نو اور بحالی تمام تفصیلات کے ساتھ کی گئی منصوبہ بند اقتصادی پالیسیوں کی وجہ سے ہوئی۔فرانس میں ڈی گال اور جرمنی میں کونراڈ اڈیناؤر جیسے شاندار رہنما تھے۔ جرمنی کی اقتصادی تبدیلی اور غیر معمولی ترقی کے مرکزی معمار لڈوگ ایرہارڈ تھے، جو ایک ماہر اقتصادیات اور اسٹیٹس مین تھے، جنہوں نے 1949 سے 1963 تک وزیر اقتصادیات کا قلمدان سنبھالا۔  بعد ازاں انہوں نے 1963 اور 1966 کے درمیان جرمنی کےچانسلر کے طور پر خدمات انجام دیں۔ استحکام کی یہی وجہ ہے۔ 2010 سے لے کر اب تک ہمارے کتنے وزیر خزانہ تبدیل ہوئے ہیں؟ ایک سرکس لگا ہوا ہے، یہاں کارکردگی سب سے کم ہے۔

جرمنی کے اقتصادی معجزے کا سہرا کونراڈ اڈیناؤر کے ساتھ ساتھ لڈوگ ایرہارڈ کو بھی جاتا ہے، لڈوگ ایرہارڈ نے سماجی منڈی یا باالفاظ دیگر سوشل مارکیٹ  کے نظام کی اصطلاح استعمال کی۔ یہ سوچ اقتصادی اور سماجی ذمہ داریوں کی دو جہتوں کی نمائندگی کرتی ہے۔ اس حکمت عملی کا بنیادی مقصد یہ تھا کہ اس وقت کی نو قائم شدہ جمہوریہ کا ہر شہری اقتصادی منصوبہ بندی اور ترقی سے مستفید ہو۔ اس نے 50 کی دہائی میں زور پکڑا اور اس کے بعد سے جرمنی نے پیچھے مڑ کر نہیں دیکھا۔ ان کی اقتصادی منصوبہ بندی ایک شاندار کامیابی رہی ہے، جسے رائن کیپٹلزم بھی کہا جاتا ہے، جس کا مطلب فلاحی ریاست کی حیثیت کے ساتھ  منصفانہ مارکیٹ مقابلہ ہے ۔ کونراڈ اڈیناؤر اور لڈوگ ایرہارڈ کسی انڈسٹری کے مالک نہیں تھے،ان کے پاس من پسند سیلف سرونگ ایس آر اوز کو شامل کرنا اور جاری کرنے کی کوئی وجہ نہیں تھی۔

نوے کی دہائی میں ایس آر اوز کے ذریعے پاکستان کے لیے اقتصادی خرابی پیدا کی گئی،ایس آر اوز کو عام طور پر جہاز کی آمد سے پہلے جاری کیا جاتا تھا اور کارگو کے ڈسچارج اور ڈیلیور ہونے کے فوراً بعد اسے واپس لے لیا جاتا تھا۔

آج پاکستان کو اپنی معاشی منصوبہ بندی کیلئے کس چیز کی ضرورت ہے؟ سیاسی استحکام کی. برآمدات کی قیادت پر مبنی ترقی کی حکمت عملی کی تشکیل کے ساتھ اس کی پیروی کرنا ہوگی۔ ہمیں غیر متزلزل بنیاد کے طور پرٹھوس احتساب کے ساتھ ایک برآمدی پالیسی تیار کرنی چاہیے۔

تقابلی اور مسابقتی فائدہ کا نظریہ پیداوار اور کھپت کا مرکز ہے۔ بین الاقوامی تجارتی مالیات ان نظریات پر مبنی ہے۔ وہ ان وجوہات کی بناء پر کبھی بھی پرانے نہیں ہو سکتے کہ ہر ملک کے پاس اپنی مخصوص قدرتی سرمایہ وقف ہیں۔تیل کی پیداوار ایک جغرافیائی خطے میں ہوتی ہے لیکن اس کی مانگ دیگر جغرافیائی علاقوں میں زیادہ ہے۔ صرف بہتر کارکردگی اور پیداواری صلاحیت کے ساتھ  مسابقتی فائدہ مارکیٹ میں زیادہ حصہ لے کر حاصل کیا جا سکتا ہے ۔

اس نقطہ نظر کی مرکزیت ان کی قدر پیدا کرنے کی صلاحیت سے کم قیمت پر قیمتی وسائل حاصل کرنے کی صلاحیت پر منحصر ہے۔وہ ممالک جو قدرتی وسائل سے مالا مال ہیں، ایسی پالیسیاں اپناتے ہیں جو ایک اعلیٰ قیمت کی مصنوعات یا خدمات تخلیق کرتی ہیں، جسے بین الاقوامی سطح پر زیادہ قیمتوں پر فروخت کیا جا سکتا ہے۔ ان کا نقطہ نظر کم قیمت پر زیادہ حجم ہے۔ مثال کے طور پر سیمی کنڈکٹر مارکیٹ تائیوان کے زیر کنٹرول ہے۔ اقتصادی پالیسی سازی میں قیمت، مقام، مقدار، انتخاب، رفتار، تبدیلی اور خدمات کی صلاحیتوں کو شامل کیا جانا چاہیے۔ نئے صنعتی ممالک کی ترقی بڑی حد تک بین الاقوامی تجارت کے فروغ کا نتیجہ ہے۔برآمدی صنعتوں کے باعث چین، بھارت، تائیوان، ویت نام وغیرہ بڑے زرمبادلہ کے ذخائر کے حامل ہیں۔

میں نے اس بات پر کافی افسوس کا اظہار کرچکا ہوں کہ غیر ملکی کرنسی ادھار لینے اور غیر ملکی کرنسی سے کمانے کے درمیان پالیسی کی سطح پر غلط فہمیاں کیوں ہیں۔یہ دونوں یکساں نہیں ہیں۔

عالمی سطح پر حکومتیں مرکزی بینکوں کے ذریعے برآمد کنندگان کو سب سے کم قیمت پر لیکویڈیٹی فراہم کرنے کا ارادہ ہو یا تو پری شپمنٹ یا پوسٹ شپمنٹ فنانس کے طور پر برآمدات کو فروغ دینے کے لیے مالیاتی سہولتیں فراہم کرتی رہی ہیں۔وینڈر انڈسٹری کی ترقی یا ویلیو چین بڑھانے والی صنعتوں کے فروغ کی طرح روزگار کے مواقع پیدا کرنے کے متعدد فوائد ہیں۔ پاکستان نے 1973 میں ایکسپورٹ ری فنانس کی سہولت بھی متعارف کرائی۔ اس وقت ہماری برآمدات ایک ارب ڈالر تھیں۔ اس سہولت کے بہت زیادہ استعمال کے باوجود، 1973 سے ہماری برآمدات میں صرف 30 ارب ڈالر تک کا ہی اضافہ ہوا ہے۔یعنی 49 برس کے طویل عرصے میں محض 29 ارب ڈالر کی نمو! اس مایوس کن کارکردگی کی وجہ ایک بار پھر سہولت کا غلط استعمال ہے۔

ری فنانس کا مطلب وصولی یا قابل ادائیگی کے نتیجے میں لیکویڈیٹی کی کمی کو ختم کرنا ہے، یہ آپریٹنگ سائیکل میں آتا ہے، تاکہ لیکویڈیٹی کی کمی کی وجہ سے پیداوار کو ترک نہ کیا جائے۔ لہذا،اس کی فطرت مختصر المدت ہے۔ یہ وہ جگہ ہے جہاں بڑے پیمانے پر فنڈز کی منتقلی ہوئی۔ توقع سے پہلے جو کچھ موصول ہوا وہ قرضوں کو حل کرنے کے لیے استعمال نہیں کیا گیا، اس کے بجائے رئیل اسٹیٹ سیکٹر اور پاکستان اسٹاک ایکسچینج میں رقوم پہنچ گئیں۔ عجمان، جسے بخوشی  پاکستانی سرمایہ کاروں کا قبرستان قرار دیا گیا، مبینہ طور پر اس طرح کے فنڈز کا بڑا وصول کنندہ تھا۔

بینکرز قرض لینے والوں کے آپریٹنگ سائیکل کو سنگدلی سے نظر انداز کرتے ہیں اور چنانچہ لیکویڈٹی دستیاب کریں جسے اس مقصد کے لیے استعمال نہیں کیا جاتا جس کا مقصد خدمت کرنا ہے۔ کم لاگت کی فنڈنگ کا غلط استعمال کیا جاتا ہے تاکہ زیادہ سرمایہ حاصل کرنے والے میدانوں میں سرمایہ کاری کی جا سکے، جو خود اصل رقم کو کھونے کے سنگین خطرات سے بھرپور ہے۔

بدقسمتی سے، ہمارے پاس کوئی کونراڈ اڈیناؤر، لڈوِگ ایرہارڈ بلکہ یہاں تک کہ منموہن سنگھ بھی  نہیں ہے، جو ایک مناسب اقتصادی منصوبہ تیار کر سکے۔ ہر حکومت پچھلی حکومت کے اچھے کاموں کو ناکام بناتی ہے، یہ سلسلہ گزشتہ 75 سال سے جاری ہے۔ یہ مٹھی بھر سیاستدان اور بیوروکریٹس، انتظامیہ کے ارکان اس باصلاحیت قوم کی معاشی ترقی کی مایوسی کی وجہ اور رکاوٹ ہیں۔

بلوچستان کے علاقے لورالائی میں گیس نہیں تو اس کے کیا معنی ہیں؟ اگر گیس کو رہائشی جنریٹرز کے لیے استعمال کیا جاتا ہے، تو یہ کس جانب اشارہ کرتا ہے؟

ہمیں یہ اس پر توجہ مرکوز کرنے کی ضرورت ہے کہ وہ کون سے شعبے ہیں جہاں قابل برآمد سرپلس ہو سکتے ہیں۔ پھر بھی انفارمیشن ٹیکنالوجی سافٹ ویئر کی برآمدات ایک امید افزا شعبہ ہے، اگرچہ ہم اس میں دیر سے داخل ہوئے ہیں لیکن ابھی بھی امید ہے۔

ہمارے پاس قابل اعتماد براڈ بینڈ خدمات بغیر کسی رکاوٹ کے دستیاب ہونی چاہئیں، اگر ہم اس پر قبضہ کرنا چاہتے ہیں، جو جنوبی بھارت میں موجود ہے۔ ہم ایک ایسا ملک ہیں جو سیاسی مقاصد کے لیے معیشت کی قیمت پر انٹرنیٹ سروسز بند کر دیتا ہے – کیا کسی کو نقصان کا اندازہ لگانے کی فکر ہے۔

پاکستان  بلاشبہ حیرت انگیز انسانی وسائل سے نوازا گیا ہے، جس کی آبادی 22  کروڑسے زیادہ ہے، جن میں سے 65 فیصد کی عمر 35 سال سے کم ہے۔ یہ صلاحیت ممکنہ طور پر دھماکہ خیز مواد ہے، اگر اس انسانی جوہری توانائی کا درست استعمال کیا جائے تو حیران کن نتائج پیدا ہوں گے۔ ہمیں لڈوِگ یا ڈی گال یا اڈیناؤر کی ضرورت ہے۔ مزید معاشی بدسلوکی سے بچاؤ کا واحد حل اچھی قیادت ہے۔

 (مصنف ایک فری لانس لکھاری ہیں)