اسٹیٹ بینک آف پاکستان کی جانب سے جاری کردہ اعداد و شمار کے مطابق ملک میں سست معاشی سرگرمیوں کی وجہ سے نجی شعبے نے نئے قرضے لینے کے بجائے اپنے بقایا قرضوں کی مد میں 185 ارب روپے واپس کردیے ہیں۔

نجی شعبے نے یکم جولائی سے 22 اگست 2022ء کے دوران 185 ارب روپے کی ادائیگی کی جبکہ گزشتہ مالی سال کی اسی مدت میں یہ رقم 152 ارب روپے تھی۔

تجزیہ کاروں نے کہا کہ بلند افراط زر، بڑھتی ہوئی شرح سود اور سیاسی غیر یقینی صورتحال نے نجی شعبے کو نئے قرضے لینے سے روک دیا۔

مالی سال 2022ء میں نجی شعبے کے قرضے میں تقریباً 21 فیصد سالانہ اضافہ ہوا، جو کہ برائے نام جی ڈی پی سے کچھ زیادہ ہے۔ ایس بی پی کی رپورٹ میں بتایا گیا کہ ٹیکسٹائل، خوراک، تعمیرات، توانائی اور تھوک اور خوردہ تجارت جیسے شعبوں میں مضبوط سرگرمی کی وجہ سے توسیع وسیع بنیادوں پر تھی، ورکنگ کیپیٹل قرضوں کا سب سے بڑا حصہ تھا۔

انہوں نے مزید کہا کہ حقیقی الفاظ میں نجی شعبے کے قرضوں کی نمو گزشتہ سال کے مقابلے میں زیادہ کم تھی اور درحقیقت جون 2022ء میں اس میں 3 فیصد کمی واقع ہوئی، جو کہ اقتصادی ترقی کی اعتدال پسند رفتار کے ساتھ مطابقت رکھتی ہے۔

افراط زر کے حوالے سے اسٹیٹ بنک نے کہا کہ جولائی 2022ء میں افراط زر کے دباؤ میں شدت آگئی، ہیڈلائن افراط زر(افراط زر کی شرح جس میں قیمتیں شامل ہیں جو بہت زیادہ بدلتی ہیں) ساڑھے تین فیصد پوائنٹس سے بڑھ کر 24 اعشاریہ 9 فیصد سالانہ تک پہنچ گئی۔ اہم حصہ خوراک اور توانائی کی افراط زرنے ڈالا لیکن بنیادی افراط زر میں، خاص طور پر دیہی علاقوں میں مزید اضافہ ہوا ۔

آنے والے مہینوں میں سپلائی سائیڈ اقدامات (پیدا وار بڑھانے کی تدبیر کے طورپرٹیکسوں میں کمی اور بعض دوسری ترغیبات بطور معاشی حکمت عملی) کے ذریعے خوراک کی افراط زرکو روکنا جو پیداوار کو بڑھاتے ہیں اور سپلائی چین کی رکاوٹوں کو دور کرتے ہیں، ایک اعلی ترجیح ہونی چاہیے۔ حوصلہ افزا بات یہ ہے کہ اس بات کا ثبوت ہے کہ کاروباری اداروں کی افراط زر کی توقعات میں نمایاں کمی آئی ہے۔

آگے دیکھتے ہوئے مالی سال کے بقیہ حصے میں بتدریج کمی سے پہلے پہلی سہ ماہی میں ہیڈ لائن افراط زر کی چوٹی کا امکان ہے۔

اس کے بعد، مالی سال 2024ء کے اختتام تک اس میں تیزی سے کمی اور 5 سے 7 فیصد ہدف کی حد تک گرنے کی توقع ہے، جس کی حمایت سخت مالیاتی پالیسیوں، عالمی اجناس کی قیمتوں کے معمول پر آنے اور فائدہ مند بنیادوں کے اثرات کی وجہ سے ہے۔

اسٹیٹ بنک نے مزید کہا کہ عالمی اجناس کی قیمتوں، ملکی مالیاتی پالیسی کے موقف اور شرح مبادلہ کے راستے سے پیدا ہونے والے خطرات کے ساتھ  یہ بنیادی نقطہ نظرغیر یقینی صورتحال کا شکار ہے۔

22اگست کو مرکزی بینک نے شرح سود کو 15 فیصد پر برقرار رکھا۔

اس نے کہا کہ غیرمستحکم شرح پر وسیع ہونے والی معیشت اور کرنٹ اکاؤنٹ خسارے پر قابو پانے کے لیے گزشتہ برس ستمبر سے پالیسی کی شرح میں مجموعی طور پر 8سو بنیادی پوائنٹس کا اضافہ کیا گیا ۔

اسٹیٹ بینک کے اعداد و شمار سے پتہ چلتا ہے کہ روایتی بینکوں نے گزشتہ مالی سال کی اسی مدت میں 1سو 75 ارب روپے کی ریٹائرمنٹ کے مقابلے میں زیر جائزہ مدت کے دوران 3اعشاریہ33 ارب روپے کے قرضوں میں توسیع کی ہے۔

ایک طرف اسلامی بینکوں کے معاملے میں نجی شعبے کے قرضوں کی بڑے پیمانے پر واپسی دیکھی گئی ہے۔ نجی کاروباری اداروں نے اسلامی بینکوں کو 1سو71 ارب روپے واپس کیے، جب کہ گزشتہ مالی سال کی اسی مدت میں 4اعشاریہ 44 ارب روپے کے قرضے تھے۔

مالی سال 2021/22 کے دوران نجی شعبے کی طرف سے قرضوں کی ادائیگی میں 1اعشاریہ 61 کھرب روپے کا زبردست اضافہ دیکھا گیا، جو گزشتہ مالی سال میں 7سو66 ارب روپے تھا۔