خوشحالی مائیکرو فنانس بینک لمیٹڈ (KMBL) پاکستان کا ایک سرکردہ مالیاتی ادارہ ہے، جو ملک کی اقتصادی ترقی کے لیے بینکاری کے عالمی معیارات متعارف کروا رہا ہے، جب کہ اس کے پاس ایک وسیع البنیاد تجارتی سماجی ذمہ داری (CSR) پروگرام ہے تاکہ وسیع تر آبادی کی فلاح و بہبود کو یقینی بنایا جا سکے۔

خوشحالی مائیکرو فنانس بینک سی ایس آر پروگرام – “خوشحالی کے لیے تعلیم” متعدد پسماندہ علاقوں میں مستحق طلبا کو تعلیمی مدد فراہم کر رہا ہے اور اس اقدام کو حال ہی میں مزید دو اضلاع ہری پور اور لالہ موسی تک وسعت دی گئی ہے۔

خوشحالی مائیکرو فنانس بینک کی جانب سے شروع کیے گئے دو الگ الگ پروگراموں کے تحت ، اس کے رضاکاروں نے ہری پور کے دوبندی بالا ٹاؤن کے گورنمنٹ پرائمری اسکول اور لالہ موسی میں چک دینا ٹاؤن کے گورنمنٹ ایلیمنٹری اسکول کا دورہ کیا۔

رضاکاروں نے طلبا کو پڑھائی میں بہتر کارکردگی دکھانے کی ترغیب دی جبکہ سیکڑوں مستحق طلبا کو نئے بستے، اسٹیشنری کی اشیا اور یونیفارم دیے گئے۔ اس پروگرام کا مقصد طلبا کو تعلیم کا حصول جاری رکھنے میں مدد دینا اور ان کی حوصلہ افزائی کرنا ہے۔

خوشحالی مائیکرو فنانس بینک کے بانی اور صدر غالب نشتر نے آنے والی نسل کو علم کے زیور سے آراستہ کرنے میں اپنا کردار ادا کرنے پر خوشی کا اظہار کیا۔

ہمارا عزم ہے کہ ہم پسماندہ علاقوں میں تعلیمی سہولیات کی بہتری کے لیے اپنا کردار جاری رکھیں گے۔ بہتر تعلیم کے ساتھ، یہ طلبا اپنی برادریوں کو ترقی پسند مستقبل کے لیے تیار کرسکیں گے۔ اس اقدام کے پیچھے کارفرما محرک یہ ہے کہ طلبا کو مالی مجبوریوں کے باوجود تعلیم حاصل کرنے کے قابل بنایا جائے۔ چنانچہ ہم ان کی تعلیمی ضروریات کو تعلیمی لوازمات، آلات اور طریقہ ہائے کار فراہم کر کے پورا کر رہے ہیں۔

خوشحالی مائیکرو فنانس بینک کے یہ اقدامات ان آبادیوں میں مثبت اثرات مرتب کرنے میں بہت کامیاب ثابت ہوں گے جہاں بینک کام کر رہا ہے اور اپنے کام کو وسعت دینے کی منصوبہ بندی کر رہا ہے۔

خوشحالی مائیکرو فنانس بینک کا یقین ہے کہ تعلیم پاکستان جیسی ترقی پذیر قوم کے روشن مستقبل کی کلید ہے۔ تاہم، معاشرے کے پسماندہ طبقوں کے طلبا کے لیے معیاری تعلیم حاصل کرنا آسان نہیں ہے۔ لہذا، بینک نے اپنے مثالی کارپوریٹ سماجی ذمے داری پروگرام کے ذریعے ان طلبا کی مدد کرکے اس خلا کو پر کرنے کی ذمہ داری اٹھائی ہے۔

اس طرح کے فراخدلانہ اقدامات کے ذریعے، خوشحالی مائیکرو فنانس بینک اپنی سماجی وابستگیوں کو پورا کر رہا ہے اور مکمل طور پر مفت، مساوی اور معیاری تعلیم تک رسائی کو آسان بنا کر ” پائیدار ترقی کے اہداف ” نمبر 4 اور 8 کے حصول میں براہ راست کردار کر رہا ہے۔

.ینک پاکستان کے مائیکرو فنانس سیکٹر میں کارپوریٹ سماجی ذمہ داری کے نئے دور میں قائدانہ کردار ادا کرنے پر بہت فخر محسوس کرتا ہے۔

کارپوریٹ سماجی ذمے داری کی ضرورت کی تشخیص کا بینک کا اختراعی طریقہ عمل متاثر کن اقدامات کے ساتھ محروم آبادیوں کی ضروریات کو پورا کرنے کے لیے ان کی نشاندہی کرنے میں بہت اہم رہا ہے۔