پاکستان اور افغانستان کا میچ بہت دلچسپ ہوگا، شاہ محمود قریشی

سید قاسم رضا

29th Jun, 2019. 08:36 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان اور افغانستان کا میچ بہت دلچسپ ہوگا، شاہ محمود قریشی

وزیرخارجہ شاہ محمود قریشی کا کہنا ہے کہ میں سمجھتا ہوں کہ آج پاکستان اور افغانستان کے مابین میچ بہت دلچسپ ہوگا اور جہاں تک میچ کا تعلق ہے میری دعا ہے کہ پاکستان جیتے۔

اسلام آباد میں میڈیا سے گفتگو کے دوران وزیر خارجہ شاہ محمود قریشی نے پاکستان اور افغانستان کے میچ سے متعلق اپنی رائے کا اظہار کرتے ہوئے کہا ہے کہ پاکستان اور افغانستان کا میچ بہت دلچسپ ہوگا، جیت پاکستان کو سیمی فائنل تک پہنچا سکتی ہے۔

انہوں نے کہاکہ افغان ٹیم نے کرکٹ پاکستان سے سیکھی ہے، اب افغان کھلاڑی اچھی کرکٹ کھیل رہے ہیں۔

شاہ محمود قریشی نے کہا کہ گوکہ پاکستان نے اچھی پرفارمنس میں تاخیرکی لیکن ٹورنامنٹ کی ناقابل شکست ٹیم نیوزی لینڈ کے خلاف عمدہ کھیل کا مظاہرہ کرتے ہوئے انہیں شکست دی ہے، اس لیے ہم پرامید ہیں۔جہاں تک آج کے میچ کا تعلق ہے میری تو دعا ہے کہ پاکستان جیتے اور پوری قوم بھی یہی چاہتی ہے کہ پاکستان، افغانستان اوربنگلہ دیش سے میچزجیتے۔