وفاقی بجٹ کڑوی گولی نگلنے کے مترادف ہے،فاروق ستار

ویب ڈیسک

29th Jun, 2019. 09:41 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وفاقی بجٹ کڑوی گولی نگلنے کے مترادف ہے،فاروق ستار

ایم کیو ایم پاکستان کے سابق ڈپٹی کنوینئرفاروق ستار نے کہا ہے کہ گزشتہ روز قومی اسمبلی سے منظور ہونے والا وفاقی بجٹ کڑوی گولی نگلنے کے مترادف ہے۔

کراچی میں پریس کانفرس کے دوران میڈیا سے گفتگو کرتے ہوئے فاروق ستارکا کہناتھا کہ وفاقی بجٹ کے بعد قوم سے کہا گیا ہے کہ کڑوی گولی نگل لیں ، قوم تو ماضی میں بھی کڑوی گولیاں نگلتی رہی ہے۔

انہوں نے کہا کہ اگر لوٹ کھسوٹ کرنے والوں کا احتساب ہواور لوٹی ہوئی دولت واپس لائی جاسکے توقوم یہ کڑوی گولی بھی نگلنے کے لیے تیار ہے لیکن قوم اس بات کی ضمانت چاہتی ہے کہ ان کا پیسہ صحیح جگہ لگے۔

فاروق ستار کا کہنا تھاکہ چیف آف آرمی اسٹاف جنرل قمر جاوید باجوہ نے بھی کہا کہ اب ہمیں جرات مندانہ اقدامات کرنے ہوں گے۔ قوم ان کی بات پر توجہ دے کر ماضی کی طرح اپنا کردار سرانجام دے گی۔

ایم کیو ایم پاکستان کے سابق رہنما نے ملک میں بڑھتی ہوئی مہنگائی کی جانب اشارہ کرتے ہوئے کہا کہ مہنگائی کے ساتھ بے روزگاری میں بھی سنگین اضافہ ہورہا ہے، لوگ مہنگائی کی اس چکی تلے زندہ درگور ہو گئے ہیں۔

انہوں نے کہا کہ مہنگائی کے اس دور میں عام آدی پر ٹیکسوں کا نہ اٹھائےجانے والا بوجھ مسلط کردیا گیا، براہ راست ٹیکسوں سے عوام متاثر ہورہی ہے۔