اپنا کیس لڑوں گا بیان ریکارڈ نہیں کرانا چاہتا،عاطف زمان

وریشہ مسعود

23rd Jul, 2019. 01:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اپنا کیس لڑوں گا بیان ریکارڈ نہیں کرانا چاہتا،عاطف زمان

بول نیوزکےاینکرمریدعباس سمیت 2 افراد کے قتل کیس کے ملزم عاطف زمان نے عدالت میں اقبالی بیان ریکارڈ کرانے سے انکار کردیاہے۔

تفصیلات کے مطابق اینکرمریدعباس قتل کیس کےمرکزی ملزم عاطف زمان کوایمبولینس کے ذریعےعدالت میں پیش کیاگیا۔

اینکر مرید عباس قتل کیس میں ملزم عاطف زمان نےعدالت میں اقبالی بیان ریکارڈ کرانے سے انکارکرتے ہوئےکہا کہ میں اپنا کیس لڑوں گا بیان ریکارڈ نہیں کراناچاہتا ہوں، کیس لڑنے کے لیے وکیل کرلیے ہیں۔

گرفتارعاطف زمان نے بیان میں کہا کہ خضر اورمرید کی جانب سے پیسوں کا بہت دباؤ آگیا تھااورمجھے خضرسے ڈرلگتا تھا،یقین تھاکہ وہ اپنے پیسوں کےلیےکچھ کرجائےگا۔

ملزم عاطف زمان نےیہ بھی کہا کہ 2014 سے ٹائرکا کاروبارکررہا تھا، 10 لاکھ کی سرمایہ کاری کرادیتا تھا کچھ لوگوں کو20 اورکچھ کو 25 فیصد منافع دیتا تھا، پیسےسے پیسہ بنا رہا تھا۔

ملزم عاطف زمان کا کہنا تھا کہ ہر ٹائر پر 200 سے 500 روپے کمیشن رکھتا تھا۔ میرا کوئی کاروبار نہیں تھا میں پیسوں سے پیسے بنا کر دیتا تھا۔

واضح رہے کہ ملزم عاطف زمان نے کراچی کے علاقے ڈیفنس میں بول نیوز کے اینکر مریدعباس اوراس کے دوست خضر کو لین دین کے تنازع پر فائرنگ کرکے قتل کردیا تھا ۔