وزیرِاعظم کی معاونِ خصوصی  برائے اطلاعات ڈاکٹر فردوس عاشق اعوان کا کہنا ہے کہ شریف خاندان نے پاکستان کو بدنام کرنے میں کوئی کمی نہیں چھوڑی یہاں تک کے یہ خاندان برطانوی حکومت کو بھی چونا لگانے میں کامیاب رہا اور اس خاندان کےکالےدھن سےمتعلق نئےحقائق بھی سامنے آگئے۔

سیالکوٹ میں پریس کانفرنس کرتے ہوئے ڈاکٹر فردوس نے کہا کہ  شریف خاندان نے  پیسےکی حوس میں  پاکستان کی عزت کوتار تار کرنے میں کوئی کسرنہیں چھوڑی ہے ۔

فردوس عاشق اعوان کا کہنا تھا کہ عمران خان یکساں احتساب کی بات کرتے ہیں اور  وزیرِ عظم پوری دنیا میں پاکستان کے سبز پاسپورٹ کی عزت بھی کروایں گے۔

برطانوی اطلاعات کے مطابق پاکستانیوں کو شرمندگی کا سامنا کرنا پڑا ہے۔ برطانوی اخبار میں شائع ہونے والی ایک رپورٹ میں شریف خاندان کی کرپشن کی معلامات سامنے آگئے ہیں۔

فردوس عاشق کا کہنا تھا کہ شریف خاندان کے کالے دھندوں اور کرپشن کا پاکستان حکومت سے کوئی تعلق نہیں ہیں ۔

مریم صفدر کے حوالہ سے فردوس عاشق کا کہنا تھا کہ لوگوں کو چاہیے کے اب اپنی آنکھیں کھول لیں کیونکہ  مریم صفدر کو فنڈز دیئے لیکن جن کو رہبر سمجھا گیا وہ رہزن ثابت ہوئے، اس ٹولے کا اپنی جائیداد کے تحفظ کے علاوہ عوام سے کوئی سروکار نہیں۔ دو سیاسی اداکار سیاسی تھیٹر لگاتے ہیں جن کی بات گھر والے بھی نہیں مانتے۔