منشیات برآمدگی کا کیس:رانا ثناء اللہ کی عدالت میں پھرپیشی

وریشہ مسعود

29th Jul, 2019. 03:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

منشیات برآمدگی کا کیس:رانا ثناء اللہ کی عدالت میں پھرپیشی

مسلم لیگ نون کے گرفتار رہنمارانا ثناء اللّٰہ کو جوڈیشل ریمانڈ ختم ہونے پر لاہور کی انسدادِ منشیات کی خصوصی عدالت میں پیش کیا گیا۔

تفصیلات کے مطابق منشیات برآمدگی کیس میں اے این ایف لاہورکی خصوصی عدالت نے رانا ثناء اللہ سمیت چھ ملزمان کے جوڈیشل ریمانڈ میں نواگست تک توسیع کردی ہے ۔

رانا ثناء اللّٰہ کے وکیل کی جانب سے عدالت سے استدعا کی گئی کہ ملزم رانا ثناء اللّٰہ دل کے عارضے میں مبتلا ہیں، انہیں گھر سے ادویات منگوانے کی اجازت دی جائے۔

عدالت نے رانا ثناء اللہ کا میڈیکل کرانے کی درخواست پر سپرنٹنڈنٹ جیل سےاکتیس جولائی کوجواب طلب کرلیا اور رانا ثناء کے وکیل کو ہدایت کی کہ آپ تحریری درخواست دائرکریں۔

انسدادِ منشیات کی عدالت نے رانا ثناء اللّٰہ کے خلاف کیس کی سماعت 9 اگست تک ملتوی کردی۔

جبکہ سابق وزیرقانون پنجاب نےعدالت کو بتایا کہ مجھ سے تھانے میں کوئی سوال جواب نہیں کیا گیا،مجسٹریٹ کو کہہ دیا گیا کہ مقدمے کی تفتیش مکمل کر لی گئی ہے۔