جج ارشد ملک ویڈیو اسکینڈل: کیس سپریم کورٹ میں سماعت کیلئے مقرر

عروبہ خان

12th Jul, 2019. 02:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جج ارشد ملک ویڈیو اسکینڈل: کیس سپریم کورٹ میں سماعت کیلئے مقرر

احتساب عدالت کےجج ارشد ملک کی ویڈیو لیک کے معاملے کو سپریم کورٹ میں سماعت کے لیےمقرر کرلیا گیا۔

تفصیلات کے مطابق چیف جسٹس آصف سعید کھوسہ کی سربراہی میں 3 رکنی بینچ 16 جولائی کو کیس کی سماعت کرے گا۔

ایک عام شہری اشتیاق احمد مرزا کی جانب سے جج ارشد ملک ویڈیو کی مکمل تحقیقات کی درخواست سپریم کورٹ میں دائر کی جس پر چیف جسٹس نےنوٹس لیتے ہوئے کیس کو سماعت کے لیے مقرر کرلیا۔

اشتیاق احمد مرزا نے ایڈوکیٹ چوہدری منیر صادق کے ذریعے کے ذریعے درخواست دائر کی ۔

درخواست گزار نے کہا کہ جج ارشد ملک نے جو رشوت کی آفر کا الزام لگایا ہے وہ سنجیدہ نوعیت کا ہے، 6 جولائی کی مریم نواز کی پریس کانفرنس کا ریکارڈ پیمرا سے طلب کیا جائے، اس ویڈیو سے یہ تاثر ملتا ہے کہ عدلیہ آزادی سے کام نہیں کرتی اور بلیک میل ہوتی ہے لہذا وفاقی حکومت کو ہدایت کی جائے کہ عدلیہ کی آزادی کے لیے اقدامات کرے۔

سپریم کورٹ نے پیمرا سے مریم نواز کی 6 جولائی کی پریس کانفرنس کی ویڈیو طلب کرلی ہے اور جج ارشد ملک کی لیک ویڈیو کی انکوائری کا بھی حکم دیدیا ہے۔