وزیراعظم عمران خان نے کہا ہے کہ ایسا لگ رہاہے جیسے دورہ امریکا سے نہیں ورلڈ کپ جیت کرآرہاہوں۔

وزیراعظم عمران خان نے اسلام آباد ایئرپورٹ پر استقبالی ہجوم سے خطاب کرتے ہوئے کہا کہ ہم نے ایک عظیم قوم بنناہے،میں نہ کبھی کسی کے سامنے جھکاہوں، نہ قوم کو جھکنے دونگا،عظیم قومیں کبھی کسی کے سامنے نہیں جھکتیں۔

وزیراعظم کا کہنا تھا کہ آنےوالے دونوں میں پاکستان میں اصلاحات کرنی ہے،ادارے ٹھیک کریں گے،اسی قوم سے پیسہ اکٹھا کریں گے،ہم اب آگے بڑھیں گے،دنیا کبھی ایسی قوم کی عزت نہیں کرتی جو دوسروں کے سامنے جھکے،وعدہ کرتاہوں آپکو کبھی مایوس نہیں کرونگا۔

انہوں نے کہا کہ یہ قوم کبھی آگے نہیں بڑھے گی جب تک ملک کا دیوالیہ کرنےوالوں کو جیل میں نہیں ڈالیں گے، ہم نے اس ملک کے ادارے ٹھیک کرنے ہیں جو انہوں نے تباہ کئےتھے، ایسا دن آئےگا گرین پاسپورٹ والوں کی دنیا عزت کرےگی۔

واضح رہے کہ امریکا کےکامیاب ترین دورے کے بعد وزیراعظم عمران خان کی وطن واپسی پر تحریک انصاف کے رہنماؤں اور کارکنوں کی بڑی تعداد نے ایئرپورٹ پر ان کا شا نداراستقبال کیا۔