کراچی نیب ٹیم کی جانب سے مفتاح اسماعیل کی گرفتاری کے لئے مختلف جگہوں پر چھاپے مارے گئے۔

ذرائع کے مطابق نیب ٹیم نے سب سے پہلے انکے گھر پر چھاپہ مارا گیا جہاں سے بغیر کسی گرفتاری کے واپس لوٹنا پڑا بعد ازاں مفتاح اسماعیل کے بھائی کے گھر بھی چھاپہ مارا گیا اور شاہراہ فیصل سے متصل اسماعیل انڈسٹری پر بھی چھاپہ مارا گیا۔

ذرائع کا کہنا ہے کہ شاہراہ فیصل پر موجود اسماعیل انڈسٹری میں مفتاح اسماعیل کی کینڈی لینڈ کے نام سے کمپنی سمیت دیگر معاملات یہی سے چلائے جاتے تھے۔

واضح رہے کہ اسلام آباد نیب کی جانب سے ن لیگ کے رہنما مفتاح اسماعیل کی گرفتاری کے لیے وارنٹ جاری کیے جس کے بعد نیب کراچی نے مفتاح اسماعیل کی گرفتاری کیلیے انکے گھر پر چھاپہ مارا اور گھر کی تلاشی لی گئی جو 30 منٹ سے زائد مفتاح اسماعیل کے گھر پر موجود رہی اس دوران نیب حکام نے مفتاح اسماعیل کے اہلخانہ اور گھریلو ملازمین سے پوچھ گچھ بھی کی جس کے بعد نیب مفتاح اسماعیل کو گرفتار کیے بغیر روانہ ہوگئی۔

اس دوران مفتاح اسماعیل کے گھر کے باہر مسلم لیگ ن کے رہنما محمد زبیر اور کارکنان کی بڑی تعداد پہنچ گئی جنہوں نے حکومت مخالف نعرے لگائے محمد زبیر کا کہنا تھا کے عمران خان ہی نیب کے سربراہ ہیں اور ہم کسی کو نہیں مانتے مسلم لیگ ن یہ جدوجہد جاری رکھے گی ہم عمران خان کو باہر نکالیں گے ملکی معیشت کا عمران خان کی حکومت نے بیڑا غرق کردیا ہے۔