ملک کو بدنام اور اداروں کو توڑنے کی کوشش کی جارہی ہے، فیصل واوڈا

عروبہ خان

15th Jul, 2019. 03:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک کو بدنام اور اداروں کو توڑنے کی کوشش کی جارہی ہے، فیصل واوڈا

وفاقی وزیر فیصل واوڈا کا کہنا ہے کہ ملک اور اداروں کو بدنام کرنےکی کوشش کی جارہی ہے لیکن نیب اور عدلیہ آزاد ادارے ہیں۔

اسلام آباد میں پریس کانفرنس کرتے ہوئے فیصل واوڈا نے کہا کہ عمران خان کی حکومت اپنا کام کر رہی ہے اور کرتی رہے گی ۔اگر یہ حکومت چلی بھی جائیگی تب بھی احتساب کا عمل جاری رہے گا۔

فیصل واوڈا کا مزید کہنا تھا کہ پہلے نیب پر سوال اٹھائے جارہے تھے اور اب عدلیہ کو بلیک میل کیا جارہا ہے لیکن ہم احتساب کے عمل سے پیچھے نہیں ہٹیں گے۔

مریم نواز پر تنقید کرتے ہوئے وفاقی وزیر نے کہا ہے کہ ویڈیو کوئن ڈرامہ کررہی ہیں، ویڈیو کے ذریعے عدلیہ کو بلیک میل کیا جارہا ہے، ڈان لیکس میں بھی عدلیہ کو نشانہ بنایا گیا تھا۔

دوسری جانب پریس کانفرنس میں وفاقی وزیر فیصل واوڈا نے داسوڈیم کے متعلق بتایا کہ ڈیم کی تعمیر میں تاخیر سے ملک کو تقریبا یومیہ 36 کروڑ روپے کا نقصان ہوا ہے۔