عدلیہ بحالی تحریک کے بعد تحریک بحالی عزت وکلاء کی ضرورت ہے، چیف جسٹس

عروبہ خان

22nd Jul, 2019. 02:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عدلیہ بحالی تحریک کے بعد تحریک بحالی عزت وکلاء کی ضرورت ہے، چیف جسٹس

چیف جسٹس پاکستان آصف سعید کھوسہ کا کہنا ہے کہ عدلیہ بحالی تحریک کے بعد تحریک بحالی عزت وکلاء کی ضرورت ہے۔

چیف جسٹس آصف سعید کھوسہ کا اسلام آباد میں تقسیم اسناد کی تقریب سے خطاب میں کہنا تھا کہ عدلیہ بحالی تحریک کے بعد تحریک بحالی عزت وکلاء کی ضرورت ہے کیونکہ کسی ایک وکیل کے عمل کی وجہ سے تمام وکلا کی بدنامی ہوتی ہے۔

انہوں نے کہا کہ عدلیہ اور میڈیسن کے شعبے دونوں مقدس شعبے ہیں اور ان شعبوں میں کسی دھوکے باز کی کوئی جگہ موجود نہیں ہے۔

چیف جسٹس نے مزید کہا کہ ڈی جی فیڈرل جوڈیشل اکیڈمی نے درست کہا کہ وکلا کی تربیت لازمی ہے، ہمیں عدلیہ کی عزت کا کلچر واپس لانا پڑے گا۔

جسٹس آصف سعید کھوسہ کا کہنا تھا کہ کسی ایک شخص کے فعل سے پورے شعبے کو بُرا سمجھا جاتا ہے ،سینئر وکلاء نے جونئیر وکلا پر توجہ دینی بند کر دی ہے۔