وفاقی وزیر برائے انسانی حقوق شیریں مزاری نے کہا ہے کہ نوجوان پاکستان کا مستقبل ہیں۔

تفصیلات کے مطابق وفاقی وزیر نے اسلام آباد میں سیلولرکمپنی کے زیراہتمام خصوصی افراد کے حوالے سے منعقد تقریب سے خطاب کیا ۔

شیریں مزاری نے خطاب کرتے ہوئے کہا کہ جدید دورمیں ٹیکنالوجی تیزی سے تبدیل ہورہی ہے، خصوصی افراد کو قومی دھارے میں لانے کیلئے قانون لیکرآرہے ہیں۔

وفاقی وزیربرائےانسانی حقوق نے کہا کہ کم ترقی یافتہ علاقوں کی ترقی کے لئے اقدامات حکومت کی پہلی ترجیح ہےاورچائلڈ لیبرپرسروے بھی چند ماہ میں مکمل ہوجائے گا۔

شیریں مزاری کا کہنا تھا کہ پاکستان میں روز تشدد کے واقعات سامنے آتے ہیں،1099ہیلپ لائن شروع کی ہے جس سے خواتین کو وراثت میں حق دلوانے کیلئے وکیل فراہم کیا جاتا ہے۔

انھوں نے کہا دیہی علاقوں میں پیدائش کا اندراج نہایت ضرروی ہے جو سیلولرکمپنیوں کی امداد سے ممکن ہے۔

وفاقی وزیرکا یہ بھی کہنا تھا کہ خصوصی افراد کی مدد کیلئے پبلک پرائیویٹ پارٹنرشپ ضروری ہےجس کے تمام اخراجات حکومت اٹھائے گی ۔

شیریں مزاری کا مزید کہنا تھا کہ آئین میں ہرشہری کے حقوق ہیں جن کا تحفظ ریاست کی ذمہ داری ہےاورحکومت کم وسائل کے باوجودعوامی اہمیت کے لئےاقدامات کررہی ہے۔