جسٹس عظمت سعید نے کہا کہ پاکستان کا قانونی نظام ایک ایک اینٹ لگا کر محنت سے بنایا گیا ہے،توقع ہے انصاف کے سفر میں شارٹ کٹس نہیں آئیں گے۔

تفصیلات کے مطابق جسٹس عظمت سعید نے اپنے اعزاز میں منعقدہ فل کورٹ ریفرنس سےالوادعی خطاب کرتے ہوئے کہا کہ توقع ہے میرے ساتھی ججز جوڈیشل انارکی اور انصاف کے درمیان فرق سے آگاہ رہیں گے۔

جسٹس عظمت سعید نےکہا کہ انصاف کی فراہمی کیلئے سب کو اپنے حصے کا کردارادا کرنا چاہیے۔

جسٹس عظمت نے مزید کہا کہ عدلیہ کا حصہ بن ک عوام کی خدمت کرنا میرے لیے کسی اعزاز سے کم نہیں تھا۔

اس مو قع پرچیف جسٹس آصف سعید کهوسہ نے فل کورٹ ریفرنس سے خطاب کرتے ہوئے کہا کہ جسٹس شیخ عظمت سعید کے ساتھ کام کرنا عزت اوراعزازہے۔

آصف سعید کهوسہ نے کہا کہ جسٹس شیخ عظمت سعید نے سپریم کورٹ میں کئی تاریخی فیصلے دیئے اور کئی بے یقینی معاملات کو بھی حل کیا۔

چیف جسٹس آصف سعید کھوسہ نے یہ بھی کہا کہ جسٹس شیخ عظمت سعید کی آئین اور قانون کی حکمرانی پر یقین ان کے فیصلوں سے عیاں ہے۔ مقدمات کا فیصلہ کرتے ہوئے جسٹس شیخ عظمت سعید کی سوچ بڑی واضح ہوتی تھی۔

فل کورٹ ریفنرس سے وائس چیئرمین پاکستان بارکونسل امجد شاہ، اٹارنی جنرل انور منصور خان، صدر سپریم کورٹ بار امان اللہ کنرانی نے بھی خطاب کیا۔ ریفرنس میں جسٹس قاضی فائز عیسی نے بھی شرکت کی۔