پی آٸی ڈی سے کے قریب واقع حبیب پبلک اسکول کیمپس  کے سوئمنگ پول میں بچہ ڈوب کر جان بحق ہوگیا۔، ڈاکس تھانے میں اسکول انتظامیہ کیخلاف مقدمہ درج کرادیا گیا ہے۔

واقعے کا مقدمہ سوٸمنگ انسٹرکٹر ، اسکول پرنسپل اور دیگر انتظامیہ کے خلاف درج کیا گیا ہے جبکہ مقدمہ قتل خطإ کی دفعہ 322/34 کے تحت درج کیا گیا ہے اور ابتدایئی کاروائی میں مقدمے میں نامزد دونوں سوٸمنگ انسٹرکٹرز کو پولیس نے گرفتار بھی کرلیا ہے۔

  ڈوب کرجان بحق ہونے والا بچہ چھٹی کلاس کا طالب علم تھا۔

 کمسن بچے کی لاش ساٶتھ سٹی اسپتال منتقل کردی گٸی ہے۔ جان بحق ہونے والے بچے کی شناخت عثمان کے نام سے ہوٸی ہے۔

ڈائیریکٹر اسکولز کا جبیب پبلک اسکول کی پرنسپل سے رابطہ کیا ہے۔ جس میں اسکول کی جانب سے آگاہ کیا گیا کہ  آج اسکول میں سوئمنگ ڈے تھا، 15 بچوں کو سوئمنگ کلاس دی جارہی تھی۔

 سوئمنگ پول بچوں کے قد سے گہرا تھا، بچے نے گھبرا کر غوطہ کھایا اور بیہوش ہوگیا۔ بچے کو اسکول انتظامیہ ہسپتال لے کر پہنچی تو بچہ دم توڑ گیا۔

ڈائیریکٹر اسکولز نے تشویش کا اظہار کرتے ہوئے کہا کہ 2 انسٹرکٹر بچوں کو سوئمنگ سکھا رہے تھے، اس کے باوجود ایسا حادثہ ہونا تشویشناک عمل ہے۔

صبح اسکول میں تفتیشی ٹیم بھیج کر معاملہ پتہ کریں گے، اسکول کی رجسٹریشن بھی معطل کی جاسکتی ہے۔

اسکول سے دو سوئمنگ اسنٹرکٹرز کو حراست میں لیا گیا تھا۔ زیر حراست ٹرینرز میں ممتاز اور سیف اللہ شامل ہیں،  زیرحراست افراد سے تحقیقات کی جاری ہیں۔ میڈیکل لیگل کارروائی کے بعد واقعہ کا مقدمہ درج کیا جاے گا۔