وزیر خارجہ شاہ مھمود قریشی کا کہنا ہے کہ چین جموں کشمیرکومتنازع علاقہ سمجھتا ہے۔

شاہ محمود قریشی نے بتایا کہ چین کا دورہ بروقت اور مفید رہا جبکہ چین کے وزیر خارجہ اور دیگر علیٰ حکام سے ملاقات کی جس میں چینی قیادت تک پاکستان کا نکتہ نظر پہنچایا گیا۔

شاہ محمود قریشی نے چینی دورے کے متعلق بتایا کہ چین نے پاکستان کو اقوام متحدہ میں بھی حمایت کا یقین دلایا ہے جبکہ چینی وزیرخارجہ نے ہمارے موقف کی تائید کی اور مسئلے پر پاکستان کا مکمل ساتھ  دینے کاعندیہ بھی دیا ہے۔

چین کی اعلیٰ قیادت کے سامنے پارلیمنٹ کے مشترکہ اجلاس کی قرارداد کا ذکربھی کیا گیا اور نیشنل سیکیورٹی کمیٹی کے فیصلے سے بھی چین کوآگاہ کردیا گیا ہے جبکہ چین کو آگاہ کیا ہے کہ پاکستان مسئلہ کشمیرکوسیکیورٹی کونسل لے جانا چاہتا ہے۔

وزیر خارجہ نے بتایا ہے کہ چین پاکستان کےمشکل وقت کا ساتھی ہے اور چین کا ردعمل پاکستان کی توقعات کے عین مطابق ہے جبکہ مقبوضہ و کشمیر کی صورتحال پر پوری دُنیا کو تشویش ہے۔

وزیر خارجہ شاہ محمود قریشی نے بتایا ہے کہ دفتر خارجہ میں سابقہ خارجہ سیکریٹریز کا اجلاس جاری ہے جبکہ پاکستان دیگر آپشنز پر بھی غور کررہا ہے۔

انکا کہنا تھا کہ پاکستان امن چاہتا ہے لیکن خدشہ ہے حالات سنگینی کی طرف نہ چلے جائیں اسکے باوجود بھی پاکستان ہر حال میں مقبوضہ جموں و کشمیر کے مسلمانوں کی سیاسی، سفارتی اور اخلاقی معاونت جاری رکھے گا۔

وزیر اعظم سے ملاقات کے متعلق انکا کہنا تھا کہ شام ساڑھے سات بجے میری وزیراعظم سے ملاقات ہے جس میں کشمیر کی موجودہ صورتحال پر باتچیت ہوگی۔