چیئرمین نیب جسٹس جاوید اقبال کی سربراہی میں نیب لاہور نے گزشتہ 2 سالوں کے دوران ہاؤسنگ سیکٹر میں اٹھائے گئے اقدامات کی تفصیلات جاری کر دیں۔

 نیب لاہور نے اکتوبر 2017 سے جولائی 2019 کے دوران 62 مبینہ غیرقانونی ہاؤسنگ سوسائٹیوں کے کیسز پر کارروائی کا آغاز کیا تھا۔ جن میں سے40 ہاؤسنگ سوسائٹیوں کے معاملات کو بروقت مکمل کروا دیا گیا۔

 جبکہ نیب لاہور میں فی الوقت 22 مبینہ غیرقانونی ہاؤسنگ سوسائٹیوں کے کیسززیرسماعت ہیں۔

 نیب لاہورحکام کی انتھک کاوشوں سے صرف ہاؤسنگ سیکٹر میں ملزمان سے 3 ارب مالیت پر مشتل معاہدات کئے گئے۔

 اس رقم سے 2 ارب 80 کروڑ روپے کامیابی کیساتھ وصول کئے جا چکے ہیں جنکی منتقلی بھی جاری ہے۔

اس دوران نیب لاہور کی جانب سے25 ارب مالیت کی ان ڈائریکٹ ریکوری بھی ممکن بنائی گئی۔

ڈی جی نیب لاہور کی سربراہی میں نیب افسران کی نے 24 ہزار 300 متاثرین کو انکی لوٹی گئی رقوم اور پلاٹ و مکانات واپس دلوائے۔

اکتوبر 2017 تا جولائی 2019 نیب لاہور نے7غیرقانونی ہاؤسنگ سوسائٹیوں کی انتظامیہ ومالکان کے خلاف 24 ارب مالیت پر مشتمل ریفرنس احتساب عدالت میں داخل کئے گئے۔

ان 7 ہاؤسنگ سوسائٹیوں کے متاثرین کی تعداد 15750 رہی جو اپنی ڈوبی ہوئی رقوم اور پلاٹ و مکانات ملنے کے منتظر ہیں۔ چیئرمین نیب جسٹس جاوید اقبال کے اقتدار سنبھالتے ہی ہاؤسنگ سیکٹرکے متاثرین کے ازالے پر زور دیا گیا۔