دنیا میں قلت آب کی وجہ گلوبل وارمنگ ہے، صدر مملکت

عروبہ خان

31st Aug, 2019. 02:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دنیا میں قلت آب کی وجہ گلوبل وارمنگ ہے، صدر مملکت

صدر مملکت ڈاکٹر عارف علوی نے کہا کہ دنیا میں پانی کی قلت بڑھنے کی وجہ گلوبل وارمنگ ہے۔

صدر مملکت پاکستان عارف علوی کا حصار فائونڈیشن کی پانی کے مسائل پر تقریب سے خطاب کرتے ہوئے کہا کہ سابق چیف جسٹس پاکستان میاں ثاقب نثار نے پانی کے مسائل پر بہت کام کیا جو قابل ستائش ہیں۔

پانی کی قلت پر ڈاکٹر عارف علوی کا کہنا تھا کہ کوٹری بیراج سے سمندر میں پانی ضائع کرنے کے بجائے بند باندھا جائے کیونکہ کوٹری بیراج پر جمع ہونے والا پانی زرعی شعبے میں استعمال کیا جا سکتا ہے۔

انہوں نے مزید کہا کہ پانی کے معاملے پر بھارت کی جانب سے ہمیشہ سندھ طاس معاہدے کی خلاف ورزی ہوتی رہی ہے لیکن اب سندھ طاس معاہدے کو اقوام متحدہ میں لیجانا چاہئے جو کہ ہمیشہ سے پانی سمیت دیگر مسائل پر بات کرتا آرہا ہے۔

صدر مملکت نے پاکستان کے متعلق کہا کہ پاکستان صدقات و خیرات کرنے والا تیسرا بڑا ملک ہے۔

بھارت کے متعلق صدر مملکت ڈاکٹر عارف علوی نے کہا کہ بھارت کیساتھ پاکستان کے تعلقات انتہائی سنگین نوعیت اختیار کر چکے ہیں جبکہ کلبھوشن یادھیو کے معاملے پر بھارت نے پاکستان سے بات کرنے کے بجائے عالمی عدالت انصاف چلایا گیا تھا۔