معاون خصوصی فردوس عاشق اعوان نے کہا کہ وزیر اعظم عمران خان پوری قوم کی جانب سے کشمیریوں کی آواز بن گئے ہیں۔

اسلام آباد میں پریس کانفرنس کرتے ہوئے معاون خصوصی فردوس عاشق اعوان نے وفاقی کابینہ کے اجلاس کے متعلق بریفنگ دی اور کہا کہ وزیراعظم قوم کی جانب سے کشمیریوں کی آواز بن گئے ہیں۔

معاون خصوصی کا کہنا تھا کہ وزیراعظم نےکابینہ کوگزشتہ روز قوم سے خطاب پر اعتماد میں لیا ہے اور کابینہ کی جانب سے وزیراعظم عمران خان کی کوششوں کی تعریف بھی کی گئی ہے۔

انہوں نے کہا کہ وزیراعظم کی زیرصدارت وفاقی کابینہ اجلاس میں 10نکاتی ایجنڈے پرغورہوا ہے جبکہ آئی جی نے بتایا اسلام آباد سمیت ملحقہ علاقوں میں جرائم میں کمی ہوئی ہے۔

فردوس عاشق اعوان نے کہا کہ وزیراعظم عمران خان نےخواجہ سراؤں کومعاشی طور پرمضبوط کرنے کیلیے بھی ہدایت کی ہے۔

کشمیر کے لئے فردوس عاشق اعوان نے کہا کہ وزیراعظم نے دنیا میں مسئلہ کشمیراجاگر کرنے کے لیے کابینہ کو اعتماد میں لیا جبکہ وفاقی کابینہ نے جمعہ کو یوم یکجہتی کشمیر منانے کی توثیق کردی گئی ہے۔

انہوں نے بتایا کہ وزیراعظم کےجنرل اسمبلی میں مسئلہ کشمیرکامقدمہ لڑنے کے آپشنز پرغور کیا گی جبکہ وزیراعظم نے کہا ہے کہ دنیا میں کوئی ہمارے ساتھ  آئے یا نہ آئے ہم کشمیریوں کا ساتھ ضرور دینگے۔

واضح رہے کہ اس سے قبل اسلام آباد میں وزیر اعظم عمران خان کی زیر صدارت وفاقی کابینہ کا اجلاس ہوا ہے جبکہ وفاقی کابینہ کے اجلاس میں اہم فیصلے کئے گئے جبکہ ملکی سلامتی اور کشمیر کے موضوع پر بھی بات چیت کی گئی۔