سرگودھا میں گھریلو جھگڑا 7 افراد کی جان لے گیا

وریشہ مسعود

27th Aug, 2019. 07:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سرگودھا میں گھریلو جھگڑا 7 افراد کی جان لے گیا

تفصیلات کے مطابق صوبہ پنجاب کے شہر سرگودھا میں ذہنی مریض نے فائرنگ کرکے اپنے خاندان کے 7 افراد کو موت کے گھاٹ اتار دیا ۔

قتل کی لرزہ خیز واردات نواحی علاقے لکسیاں میں پیش آئی، نوردین نامی شخص نے اپنے پیاروں پر گولیاں برسادیں۔

رپورٹ کے مطابق جاں بحق افراد میں بھائی، دو بھتیجے، اور تین بھابیاں شامل ہیں۔

پولیس ذرائع کے مطابق واقعے میں جاں بحق افراد میں سے دو کی شناخت 50 سالہ محمد طفیل، 40 سالہ مجیدہ بی بی کے ناموں سے ہوئی ہے جبکہ دیگر افراد کی عمریں 16 سے 20 برس کے درمیان ہیں۔

پولیس کا کہنا ہے کہ واقعہ گھریلو جھگڑے کی وجہ سے پیش آیا، مقتولین اور ملزم ایک ہی خاندان سے ہیں۔

پولیس کا یہ بھی کہنا تھا کہ لاشوں کو لواحقین کے حوالے کردیا گیا جس کے بعد انہیں مقامی قبرستان میں سپرد خاک کردیا گیا۔

ڈی پی او سرگودھا کا کہنا ہے کہ قاتل نور دین ذہنی مریض ہے، آئی جی پنجاب نے واقعے کا نوٹس لیتے ہوئے آرپی او سرگودھا سے رپورٹ طلب کرلی۔