وزیراعلیٰ سندھ سید مراد علی شاہ کی زیرصدارت کراچی کی صفائی کے حوالےسےاہم اجلاس ہوا۔

اتفصیلات کے مطا بق جلاس میں وزیربلدیات ناصر شاہ، مشیر قانون مرتضیٰ وہاب ، میئر کراچی وسیم اختر، اور کمشنر کراچی افتخار شہلوانی شریک تھے

میئر کراچی نے وزیراعلیٰ سندھ کو بریفنگ دیتے ہوئے کہا کہ عوام سخت مشکل میں ہیں ،سیوریج سسٹم مکمل طور پر ختم ہو چکا ہے، ہمیں سیوریج سسٹم کو بنانا ہے جس کی پلاننگ کرنی چاہیے۔

وزیراعلیٰ سندھ کا کہناتھا کہ حالیہ شدید بارشوں میں انتظامیہ اور لوکل باڈیز نے مل کر زبردست کام کیاہے جس کی وجہ سے پانی کی نکاسی ہوسکی ہے۔

میئر کراچی وسیم اختر نے وزیر اعلیٰ کو بتایا کہ نالوں کی صفائی کر کے آگے جاتے ہیں تو دوبارہ کچرا اُن میں بہنا شروع ہوجاتا ہے ،عوام سخت مشکل میں ہیں ،سیوریج سسٹم مکمل طور پر ختم ہو چکا ہے۔

وسیم اختر نے مزید کہا سہ ماہی ڈیویلپمنٹ ڈپارٹمنٹ کی اسکیم کے 11 ارب روپے کے ایم سی کے ذمے واجب الادا ہیں۔ ان کاکہناتھا کہ کے ایم سی کے پاس 32 محکمے ہیں جوصرف پارکنگ فیس سے جمع ہونے والے پیسوں سے نہیں چل سکتے۔

اس موقع پر وزیراعلیٰ سندھ کا کراچی میں صفائی کے حوالے سے کہناتھا کہ انتظامیہ اور لوکل باڈیز نے مل کر زبردست کام کیا ہے۔

وزیراعلیٰ سندھ کا کہنا تھا کہ میں شہریوں کو ریلیف دینے کے لیے فنڈ کے ساتھ ساتھ انتظامی سپورٹ دے رہا ہوں اس کے باوجود مسئلہ حل نہیں ہورہا۔ سب نے مل کر اس مسئلے کو حل کرنا ہے۔

وزیراعلیٰ سندھ کا یہ بھی کہنا تھا کہ کے الیکٹرک ایک کروڑ روپے تک بجلی کے بل میں سندھ حکومت سے لیتی ہے۔ ڈی ایم سیز کی جانب سےتجویز دی گئی کہ کے الیکٹرک کے پولز ڈی ایم سیز میں لگے ہوئے ہیں۔ لینڈ یوٹیلائزیشن کی مدد میں ڈی ایم سیز کے لیے کرایہ لیا جائے۔

سید مراد علی شاہ نےکہا کہ ڈی ایم سیز 50 فیصد سے بھی کم کچرا  اٹھا پاتی ہیں، ڈی ایم سیز نے 2016 میں گاربیج لفٹنگ وہیکلز کی اپنی ریکوائرمنٹ دی تھیں لیکن وہ پوری نہیں ہوئی۔

اجلاس میں وفاقی حکومت کے وفد نے وفاقی وزیر فیصل واوڈا کی قیادت میں وزیراعلٰی سے ملاقات کی اور ٹھٹہ میں سمندر کے قریب سندھ بیراج کے حوالے سے تبادلہ خیال کیا۔

اجلاس میں فیصلہ کیا گیا کہ بیراج کی تعمیر کے حوالے سے ایک  کمیٹی بنائی جائے گی جس میں وفاقی اور سندھ حکومت کے نمائندے شامل ہوں گے۔  وزیراعلٰی سندھ نے منصوبے کے لیے ہرطرح سے تعاون کی یقین دہانی کرائی۔