افغان امن کیلئے مذاکرات سنگ میل ہوں گے، وزیر خارجہ

عروبہ خان

01st Aug, 2019. 03:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

افغان امن کیلئے مذاکرات سنگ میل ہوں گے، وزیر خارجہ

وزیر خارجہ شاہ محمود قریشی نے امریکی نمائندہ خصوصی برائے افغان مفاہمتی عمل زلمے خلیل زاد سے ملاقات میں کہا کہ افغانستان میں امن و استحکام، دیرپا تعمیر و ترقی کیلئے تمام افغان فریقین کے مابین مذاکرات سنگ میل ہوں گے۔

تفصیلات کے مطابق امریکی نمائندہ خصوصی برائے افغان مفاہمتی عمل زلمے خلیل زاد نےپاکستان کا دورہ کیا جس کے دوران انہوں نے وزیر خارجہ شاہ محمود قریشی سے ملاقات کی۔

ملاقات میں افغان امن عمل پر ہونے والی والی پیشرفت کا جائزہ لیا گیا اور خطے میں امن و استحکام کی صورتحال پر بھی تبادلہ خیال کیا گیا۔

امریکی نمائندہ خصوصی نے امریکہ افغان طالبان امن مذاکرات میں اب تک کی پیشرفت اور اپنے حالیہ دورہ کابل کے حوالے سے وزیر خارجہ کو آگاہ کیا ۔

‎ واضح رہے کہ وزیر خارجہ شاہ محمود قریشی نے دوحہ مذاکرات میں بنیادی روڈ میپ پر فریقین کا اتفاق رائے اچھی پیشرفت قرار دیا ہے اور کہا ہے کہ پاکستان، افغان امن عمل میں مشترکہ ذمہ داری کے تحت مصالحانہ کردار ادا کرتا رہے گا۔