پاکستان نےکابل دھماکےکےحوالےسے پروپیگنڈے کومسترد کردیا

وریشہ مسعود

18th Aug, 2019. 08:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان نےکابل دھماکےکےحوالےسے پروپیگنڈے کومسترد کردیا

پاکستان نے کابل دھماکے میں پاکستانی شہری کے ملوث ہونے کے پروپیگنڈے کو مسترد کردیا-

تفصیلات کے مطابق ترجمان دفترخارجہ نے اپنے ایک بیان میں کہا کہ پاکستان کابل دھماکے کے حوالے سے بے بنیاد الزامات کو مسترد کرتا ہے۔

ترجمان دفترخارجہ نے کہا کہ بعض میڈیا رپورٹس کے مطابق کابل دھماکہ داعش نے کرایا اور خودکش حملہ آور پاکستانی شہری تھا، پاکستان ہرقسم کی دہشت گردی کی مذمت کرتا ہے۔

اس سے قبل ترجمان دفتر خارجہ ڈاکٹر محمد فیصل نے کابل میں شادی کی تقریب میں بم دھماکے کی شدید الفاظ میں مذمت کرتے ہوئے جاں بحق افراد کی مغفرت اورزخمیوں کی جلد صحت یابی کی دعا کی تھی۔

ترجمان دفترخارجہ کا کہنا تھا کہ دہشت گردی خطے میں امن کیلئے خطرہ ہے جس کے خلاف مل کر اقدامات اٹھانا ہونگے۔

اپنے تعزیتی بیان میں ترجمان دفتر خارجہ کا کہنا تھا کہ کابل بم دھماکے میں ساٹھ کے قریب معصوم لوگوں کی قیمتی جانیں ضائع ہوئیں ہماری ہمدردیاں متاثرہ خاندانوں کے ساتھ ہیں۔

واضح رہے کہ افغانستان کے دارالحکومت کابل میں شادی کی تقریب میں ہونے والے خودکش بم دھماکے کے نتیجے میں 63 افراد جاں بحق جبکہ ایک سو اسی سے زائد زخمی ہوگئے ہیں۔