حیدرآباد اور جامشورو میں 15 سے 20 سیکنڈ تک زلرلے کے جھٹکے محسوس کیے گئے۔

تفصیلات کے مطابق زلزلے کے جھتکے حیدرآباد میں پھلیلی، پریٹ آباد، پنیاری، خورشید ٹاون آفندی ٹاون، فیضان مدینہ، لنڈن ٹاون قاسم۔آباد ودیگر علاقوں میں محسوس کئے گئے ۔

لزلہ پیما مرکز کے مطابق زلزلے کے جھٹکوں کی شدت 4.5 ریکارڈ کی گئی جبکہ زلزلے کا مرکز نارتھ ویسٹ پھاڑی بتایا گیا۔

ڈپٹی کمشنر اعجاز علی شاہ کا کہنا تھا کہ شہر میں زلزلے کے باعث کسی قسم کا نقصان نہیں ہوا، احتیاط افسران کو جائزہ لینے کا کہا ہے کہیں نقصان ہوا ہے آگاہ کریں۔

ڈی سی سید اعجاز علی شاہ  کا مزید کہنا تھا کہ کسی بھی ناخشگوار صورتحال سے نمٹنے لئے الرٹ ہیں۔

دوسری جانب حیدرآباد میں عید پہلے روز بھی غیر اعلانیہ لوڈشیڈنگ کا سلسلہ جاری رہا جس پر شہریوں نے سراپا احتجاج کیا ۔

زرائع کے مطابق بجلی سے محروم شہری عید کے روز بھی احتجاج پر مجبورہوگئے اور روڈ پر نکل آئے۔

مظاہرین نے ٹائر نذر آتش کرکے اور رکاوٹیں ڈال کر سپر ہائی بلاک کردی۔

مظاہرین کا کہنا تھا کہ گزشتہ پانچ روز سے سومرا گوٹھ, عبداللہ گارڈن, پالاری گوٹھ کی بجلی بند ہے،عید بغیر بجلی کے گزر رہی ہے گھروں میں پانی کا بحران ہے۔

مظاہرین کا مزید کہنا تھا کہ خراب ٹرانسفارمر کی تبدیلی لئے پیسے طلب کیے جارہے ہیں ، ٹرانسفارمر تبدیل کرکے بجلی بحال کی جائے ورنہ احتجاج جاری رہیگا۔

جبکہ حیدرآباد سب ڈویژن پھلیلی حیسکو کے مختلف علاقوں میں بجلی کے ستائے شہریوں کا وفاقی وزیر پانی و بجلی عمر ایوب ، سیکریٹری واپڈا عرفان احمد اور حیسکو چیف عبدالحق میمن سے نوٹس لینے کا مطالبہ کیا۔