پاک افغان ٹریک ٹو پراجیکٹ سے وابستہ اعلیٰ سطحی افغان وفد  ڈاکٹر شعیب سڈل کی قیادت میں وزارت خارجہ پہنچا، جہاں انہوں نے وزیر خارجہ شاہ محمود قریشی سے ملاقات کی۔

 وفد کی وزیر خارجہ مخدوم شاہ محمود قریشی سے ملاقات دوران ملاقات میں پاک افغان دو طرفہ تعلقات، افغان امن عمل سمیت مختلف باہمی دلچسپی کے امور پر تبادلہ خیال کیا گیا۔

 پاکستان اورافغانستان کے مابین تاریخی ،ثقافتی ،مذہبی دیرینہ تعلقات ہیں، بدقسمتی سے ہمارے دو طرفہ تعلقات باہمی اعتماد کے فقدان کے سبب سردمہری کا شکار رہے۔

27جون کو صدر اشرف غنی کے دورہ ء پاکستان سے ان تعلقات کو ایک نئ جہت ملی ہم نے دو طرفہ تجارتی تعاون کے فروغ پر بات چیت کی۔

 مخدوم شاہ محمود قریشی کا مزید کہنا تھا کہ پاکستان افغانستان کی داخلی خود مختاری کا احترام کرتا ہے، پاکستان افغانستان میں امن و استحکام کا خواہاں ہے کیونکہ افغانستان کا امن پورے خطے کی تعمیر و ترقی کے لیے ناگزیر ہے۔

ہم نے خلوصِ دل سے افغان امن عمل میں اپنا مصالحانہ کردار ادا کیا اور انشاء اللہ کرتے رہیں گے۔

وزیرخارجہ کا کہنا تھا کہ بھوربن میں افغانستان کے صف اول کے قائدین سے میری ملاقات اور تفصیلی گفتگو ہوئی، کل میں نے چینی اور افغان وزرائے خارجہ کو سہ فریقی کانفرنس میں شرکت کیلئے دعوت نامے ارسال کئے ہیں جو جلد اسلام آباد میں منعقد ہوگی۔

مخدوم شاہ محمود قریشی ڈاکٹر شعیب سڈل نے وزیر خارجہ کا شکریہ ادا کرتے ہوئے کہا کہ پاک افغان ٹریک ٹو پروجیکٹ کا آغاز 2015 میں ہوا اور اس پراجیکٹ کا مقصد پاک افغان ، تجارتی، سیاسی اور ثقافتی تعلقات کا فروغ ہاور یہ اس سلسلے کی سترویں میٹنگ ہے۔