پاکستان نے بھارت کیلئے اپنی فضائی حدود مکمل طورپر بند کرنے کا فیصلہ کیا ہے۔

تفصیلات کے مطابق سماجی رابطے کی ویب سائٹ ٹوئٹر پر وفاقی وزیربرائے سائنس اینڈ ٹیکنالوجی فواد چوہدری نے کہا کہ اب پاکستانی حدود میں پرندے تواڑسکتے ہیں لیکن بھارتی طیارے نہیں۔

اپنی ٹوئٹ میں فواد چوہدری نے کہا کہ وزیراعظم عمران خان بھارت کے لیے پاکستانی فضائی حدود مکمل طور پر بند کرنے پر غور کررہے ہیں۔

PM is considering a complete closure of Air Space to India, a complete ban on use of Pakistan Land routes for Indian trade to Afghanistan was also suggested in cabinet meeting,legal formalities for these decisions are under consideration… #Modi has started we ll finish!

Advertisement

— Ch Fawad Hussain (@fawadchaudhry) August 27, 2019

فواد چوہدری نے یہ بھی کہا کہ بھارت، افغانستان میں تجارت کے لیے استعمال زمینی راستے بند کرنے کی بھی تجویز  زیر غور ہے،فیصلہ کرنے سے پہلے تمام قانونی پہلوؤں پر بھی غور کیا جارہا ہے۔

وفاقی وزیرکا کہنا تھا کہ مودی کو عقل کی بات سمجھ نہیں آرہی ہے، مودی جوزبان سمجھتا ہے،اس کو اسی زبان میں جواب دیا جائے گا۔

فواد چوہدری نے یہ بھی کہا کہ کشمیرمیں جوکچھ ہورہاہےوہ ناقابل قبول ہے،کشمیرمیں ہونے والے ہر ظلم کا حساب لیا جائےگا۔

فواد چوہدری نے مزید کہا ہے کہ یہ تجاویز کابینہ کے اجلاس میں پیش کی گئیں، جن پرعمل درآمد کے لیے قانونی امور کا جائزہ لیا جا رہا ہے۔

واضح رہے کہ وفاقی کابینہ کے اجلاس کے دوران کابینہ ارکان نے بھارتی وزیراعظم نریندر مودی کو پاکستان کی فضائی حدود استعمال کرنے کی اجازت دینے پراعتراض کیا گیا جس پر وزیر اعظم اوروزیرخارجہ نے کابینہ اراکین کو بین الاقوامی قوانین سے متعلق بریف کیا۔

کابینہ کو بتایا گیا کہ فضائی حدود استعمال پر پابندی عائد نہیں تھی اس لیے مودی نے پاکستانی فضائی حدود استعمال کی۔

یاد رہے کہ فروری میں پاکستانی فضائی حدود کی بندش سے ایئرانڈیا کو چارماہ میں 4 ارب 30 کروڑ روپے کا نقصان ہوا تھا۔