مصطفیٰ کمال پروجیکٹ ڈائریکٹر گاربیج تعینات

عروبہ خان

26th Aug, 2019. 04:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مصطفیٰ کمال پروجیکٹ ڈائریکٹر گاربیج تعینات

میئر کراچی وسیم اختر کی جانب سے مصطفیٰ کمال کو 3 مہینے کے لیے پروجیکٹ ڈائریکٹر گاربیج تعینات کر دیا گیا ہے۔

تفصیلات کے مطابق میئر کراچی نے اس اعلان کا باقاعدہ نوٹیفکیشن بھی جاری کردیا گیا ہے۔

میئر وسیم اختر کا اس موقع پر کہنا تھا کہ مصطفیٰ کمال کو تمام مشینری دیتا ہوں وہ شہر کا کچرا صاف کر کے دکھائیں۔

وسیم اختر کا کہنا ہے کہ مصطفیٰ کمال 90 دن میں کراچی کا کچرا اٹھا کر دکھائیں۔

وسیم کے اختر کے اقدام کے بعد پی ایس پی سربراہ مصطفیٰ کمال نے پریس کانفرنس کرنے کا اعلان کردیا، مصطفیٰ کمال آج رات 8 بجکر 30 منٹ پر ہنگامی پریس کانفرنس کریں گے۔

واضح رہے کہ پاک سرزمین پارٹی کے سربراہ مصطفیٰ کمال نے آج صبح چیلنج کیا تھا کہ مجھے موقع دیں 90 دن میں کراچی کا کچرا صاف کردوں گا۔

پی ایس پی سربراہ کا کہنا تھا کہ میئر وسیم اختر کا نام اے سی ایل میں ڈالا جائے، بدکردار کو لندن کا میئر بنادیں، چھ ماہ میں لیاری بنادے گا۔

مصطفیٰ کمال نے میڈیا سے گفتگو کرتے ہوئے سالڈ ویسٹ مینجمنٹ بورڈ ختم کرنے کا بھی مطالبہ کیا تھا۔

یاد رہے کہ کراچی کے علاقے گلشن اقبال، یونیورسٹی روڈ، ملیر، کالا بورڈ، سرجانی ٹاؤن، صدر سمیت متعدد علاقوں میں گٹر ابل رہے ہیں، حکومت سندھ زبانی جمع خرچ میں مصروف ہے۔