پاکستان کے لیےخوشخبری،صوبہ خیبرپختونخوامیں کوہاٹ میں تیل وگیس کے زخائرکی دریافت ہوئی ہے۔

پاکستان آئل فیلڈ لمیٹڈ کے مطابق صوبہ خیبرپختون خواکے ضلع کوہاٹ میں ٹل بلاک سے تیل و گیس کےزخائرکی دریافت ہوئی ہے۔

پاکستان آئل فیلڈ نے کہا کہ جانچ میں مکوڑے ڈیپ ٹو کنوے سے 18.25 ایم ایم سی ایف ڈی گیس کے زخائراور یومیہ 1844 بیرل خام تیل کے زخائر بھی ملے ہیں۔

ماہرین کا کہنا تھا کہ پاکستان آئل فیلڈ نے پاکستان اسٹاک ایکسچینج کو آگاہ کردیا۔

ماہرین کا یہ بھی کہنا تھا کہ تیل اور گیس کے زخائر کی دریافت سے پاکستان کے قیمتی زرمبادلہ کی بچت ہوگی اور نئی دریافت سےآئل سیکٹر پرمثبت اثرات بھی مرتب ہونگے۔

واضح رہے کہ اس وقت سب سے زیادہ گیس صوبہ سندھ سےحاصل کی جارہی ہے، تاہم آل پاکستان سی این جی گیس ایسوسی ایشن کا موقف ہے کہ 18ویں ترمیم کے مطابق قدرتی وسائل پر صوبوں کا پچاس فیصد حصہ ہے لیکن سندھ سے نکلنے والی پچاس فیصد گیس سندھ کو نہیں دی جارہی۔

یاد رہے کہ 24جولائی کو آئل اینڈ گیس ڈیویلپمنٹ کمپنی لمیٹڈ نے سانگھڑ کےعلاقے پاندھی میں تیل و گیس کے نئے ذخائر دریافت کرنے کا اعلان کیا تھا۔

رواں برس مئی میں آئل اینڈ گیس ڈیویلپمنٹ کمپنی لمیٹڈ نےصوبہ سندھ کے ضلع ٹنڈومحمد خان کےعلاقہ منگریومیں تیل وگیس کےنئےذخائرکی دریافت کا اعلان کیا جبکہ اپریل میں ماڑی پٹرولیم نے بھی  پنجاب میں تیل کے بڑے ذخائرملنے کی خوشخبری سنا ئی تھی۔ ترجمان پٹرولیم ڈویژن کی طرف سے جاری بیان میں کہا گیا تھا کہ غوری بلاک کےڈھاریاں 1معدنی کنویں سےتیل دریافت ہوا ہے۔