وزیرانسانی حقوق ڈاکٹرشیریں مزاری نے کہا ہے کہ دنیا کا مودی کو سراہنا بیوقوفی ہے۔

تفصیلات کے مطابق وزیرانسانی حقوق ڈاکٹرشیریں مزاری نے اسلام آباد میں سیمینارسے خطاب کرتے ہوئے کہا کہ کشمیر پر بھارتی قبضہ فورتھ جینوا کنونشن کی خلاف ورزی ہے

ڈاکٹرشیریں مزاری نے کہا کہ ایل اوسی پرروزانہ سویلین آبادی کو نشانہ بنا رہا ہے، بھارت نے کلسٹر بمبوں سےآزاد کشمیر میں سویلین لوگوں کو شہید کیا۔

وزیرانسانی حقوق نے یہ بھی کہا کہ بھارت غیر ذمہ دار ملک ہے کیا پتہ نیوکلیئر سرجیل اسٹرائیک کی کوشش کر رہا ہوں، ہمیں شارٹ ریج میڈیم رینج کے میزائل بنانے پر توجہ دینا ہوگی۔

خطاب میں ڈاکٹرشیریں مزاری کا کہنا تھا کہ دنیا جان لےاگر بھارت نے ڈرامہ بازی کی تو ہمارا ردعمل کیا ہوگا سب کو پتا ہے،دنِیا بھارتی قدام کو سنجیدہ لے ورنہ ہمارے پاس بھی محدود آپشن ہی ہونگے

وزیرانسانی حقوق کا یہ بھی کہنا تھا کہ بھارت نے 2004 سے 2015 تک کولڈ سٹارٹ ڈاکٹرائن کیلئے ایک سو بیاسی ارب ڈالرخرچ کیے، بھارت انتا خرچ کرنے کے بعد کولڈ ڈاکٹرائن سے پیچھے کیسے ہٹ سکتا ہے۔

وزیرانسانی حقوق ڈاکٹرشیریں مزاری نے مزید کہا کہ بھارت نے اکیاسی فیصد ائیر بیسز پاکستان کی طرف نصب کی ہیں، بھارت کے پاس تقریبا پانچ ہزار سے زائد نیو کلئر ہتھیار ہیں، اگر بھارت جارحیت کے اگلے درجے پر گیا اس سے بڑھ کر جواب دیں گے۔

 واضح رہے کہ خیال رہے کہ آج وزیر اعظم نے کشمیر سے متعلق خطاب کرتے ہوئے کہا تھا کہ پاکستان کا ’’کشمیر پالیسی‘‘ پر فیصلے کا وقت آگیا ہے، آج ساری قوم کو اعتمادمیں لینےکا وقت ہے۔