سندھ پولیس کی جانب سے انٹرویو پاس کرنے کے بعد کراچی میں بڑے پیمانے پر تقرریاں اور تبادلے کر دیے گئے۔

تفصیلات کے مطابق سندھ پولیس نے تقرر و تبادلے کرتے ہوئے شہر کے مختلف تھانوں میں نئے ایس ایچ او زتعینات کر دیے ہیں۔

کراچی پولیس کی جانب سے جاری نوٹیفکیشن کے مطابق شہر کے 10 تھانوں کے ایس ایچ اوز تعینات کر دیے گئے ہیں، ان تھانوں میں ایس ایچ اوز نے عارضی چارج سنبھالا ہوا تھا۔

اعلامیے میں بتایا گیا ہے کہ خالد ندیم بیگ کو ایس ایچ او شارع نور جہاں، امتیاز احمد بانڈے کو ایس ایچ او رضویہ اور انسپکٹر کمال نسیم کو ایس ایچ او نیو کراچی انڈسٹریل ایریا تعینات کیا گیا ہے۔

نوٹیفکیشن کے مطابق سب انسپکٹر سید رضوان حسین کو ایس ایچ او جوہر آباد اور سب انسپیکٹر مظفر علی کو ایس ایچ او نارتھ ناظم آباد لگایا گیا ہے۔

سب انسپکٹر سید ولایت علی شاہ ایس ایچ او پاپوش نگر تعینات ہو گئے ہیں جب کہ سب انسپکٹر حسیب اللہ شیخ کو ایس ایچ او سمن آباد مقرر کیا گیا ہے۔

سب انسپکٹر خواجہ محمد سعید ایس ایچ او گلبہار، سب انسپکٹر سید راشد حسین شاہ ایس ایچ او خواجہ اجمیر نگری اور سب انسپکٹر کامران اشعر ایس ایچ او بلال کالونی تعینات ہوئے ہیں۔