وزیرِ اطلاعات سندھ سعید غنی نے کہا ہے کہ علی زیدی نے نالوں سے کچرا نکال کر مختلف علاقوں میں ڈال دیا۔

تفصیلات کے مطابق وزیرِ اطلاعات سندھ سعید غنی نے میڈیا سے گفتگو کرتے ہوئے کہا ہے کہ یہ کیا طریقہ ہے کہ آپ کہیں کہ ٹوائلٹ صاف کریں گے اور گندگی لاکر صحن میں ڈال دیں؟

سعید غنی نے یہ بھی کہا کہ سب کی ترجیح شہرِ کراچی کی صفائی ہونی چاہیے، سیاسی پوائنٹ اسکورنگ نہیں۔

وزیر اطلاعات سندھ کا کہنا تھا کہ کراچی صفائی مہم کا اب تک صرف ساڑھے 4 ہزار ٹن کچرا لینڈ فل سائٹ پر پہنچا ہے۔

واضح رہے کہ وفاقی وزیر بحری اُمور علی زیدی نے کراچی شہر کو صاف کرنے کی مہم چلائی ہوئی ہے۔

مہم کے تحت وہ شہر بھر کے نکاسی آب کے نالوں کی ناصرف صفائی کرا رہے ہیں بلکہ شہر میں موجود کچرے اور گندگی کے ڈھیر کو بھی صاف کرا کر اسے لینڈ فل سائٹ منتقل کر وا رہے ہیں۔

میئر کراچی وسیم اختر نے کہا ہے کہ ، ۔

اس سے قبل میئر کراچی وسیم اختر نے میڈیا سے گفتگو کرتے ہوئے کہا تھا کہ کراچی شہر کے نالے کچرے سے بھرے ہوئے ہیں، دنیا ہم پر ہنس رہی ہے، ہم نے نالوں کی صفائی کرائی لیکن نالے پھر کچرے سے بھرگئے۔

میئر کراچی وسیم اختر کا یہ بھی کہنا تھا کہ کیا ہم نالے ہی صاف کرتے رہیں گے؟ نالوں میں کچرا پھینکنے کا سلسلہ بند ہونا چاہئے ، نالوں کے اطراف کے گھروں میں گٹر کا پانی جارہا ہے، شہری نالوں میں کچرا نہ پھینکیں ۔