تبدیلی سرکار کے دور حکومت میں پہلی دفعہ بڑی جماعتوں کے رہنما اس سال بڑی عید کی خوشیاں جیلوں میں یا پھر نیب کی حراست میں منائیں گے۔

تفصیلات کے مطابق جیل میں عید مانے والے سیاست دانوں میں سے زیادہ کا تعلق مسلم لیگ ن اور پیپلزپارٹی سے ہے جن کی اہم اور صف اول کی قیادت کیسز بھگت رہی ہے۔

مسلم لیگ ن کے سربراہ اور سابق وزیر اعظم میاں نواز شریف عید الاضحی لاہور کی کوٹ لکھپت جیل میں منائیں گے جبکہ سابق وزیر اعظم میاں نواز شریف کی بیٹی مریم نواز یہ عید نیب کی حراست میں منائیں گی۔

پنجاب اسمبلی میں اپوزیشن لیڈر میاں حمزہ شہباز شریف، سابق وزیر اعظم شاہد خاقان عباسی اور سا بقہ دور حکومت میں وفاقی وزیر خزانہ مفتاح اسماعیل عید نیب کی حراست میں جبکہ مسلم لیگ ن کے رہنما خواجہ سعد رفیق، خواجہ سلمان رفیق اور مسلم لیگ ن کے سابق ایم پی اے حافظ نعمان عید جیل میں منائیں گے۔

دوسری جانب سابق صدر پیپلز پارٹی کے سربراہ آصف علی زرداری اور پیپلز پارٹی کی رہنما فریال تالپور اس سال کی بڑی عید نیب کی حراست میں منائیں گے۔

واضح رہے کہ پاکستان تحریک انصاف  جو کے وفاق اور خیبر پختونخواہ میں  بر سراقتدار ہے  لیکن پھر بھی حکومت کی جانب سے اپنے پارٹی رہنماوؤں کو بھی اس سال بڑی عید پر ریلیف نہیں مل سکا ہے۔

ایسا پہلی بار ہو رہا ہے کہ بڑی عید کے موقعے پرملک کی تمام بڑی پارٹیوں کے لیڈران زیر حراست ہیں۔