گورنر پنجاب چوہدری محمد سرور نے نے آرٹیکل 370 کے حوالے سے برطانوی ممبر پارلیمنٹ کو خط لکھ دیا۔ خط کے متن میں یہ واضح کیا گیا کے اور ٹیک 370 مسئلہ کشمیر کے حوالے سے قوانین کی کھلی خلاف ورزی ہے۔

تفصیلا ت کے مطابق خط میں واضح کیا گیا آرٹیکل 370 کو ختم کرنا خطے میں امن کے قیام کو نقصان پہنچانے کے مترادف ہے۔

گورنر پنجاب  کا خط میں کہنا ہے کہ نریندر مودی نے کشمیر میں گھسنے کے لیے ایک اور چال چلی ہے۔اس کاروائی سے بھارت کے 70 سالہ جھوٹ سے پردہ اٹھ گیا اور سیاہ چہرہ بے نقاب ہو چکا ہے۔بھارت کی کاغذی کاروائیوں سے کشمیر کا درجہ اور کشمیریوں کے فیصلے کو نہیں بدلا جا سکتا۔بھارت کلسٹر بم کے استعمال اور لائن آف کنٹرول پر فائرنگ کر کے قوانین کی کھلی خلاف ورزی ہے۔ پلوامہ اٹیک کو بھی پاکستان سے منسوب کرنے کی ناکام کوشش کی گئی۔مارچ 2019 میں وزیراعظم عمران خان نے بھارتی پائلٹ ابھینندن کو واپس کر کے امن کا پیغام بھیجا۔

انھوں نے خط میں مزید لکھا کہ پاکستان کی امن کے فروغ کی کوشش کو کمزوری نہ سمجھا جائے۔برطانوی اور یورپی یونین کے نمائندے ہمیشہ کی طرح امن کے فروغ اور بین القوامی مسائل کے حل میں اپنا کردار ادا کریں۔

چوہدری محمد سرور نے کہا  کہ وزیراعظم عمران خان کی زیر سایہ پاکستان کشمیریوں کے حقوق اور خطے میں امن کے لیے اپنا بھرپور کردار ادا کرتا رہے گا۔