قومی ٹیم کے سابق لیگ اسپنرعبدالقادر کےانتقال پر آرمی چیف جنرل قمر جاوید باجوہ، وزیراعظم عمران خان، شاہ محمود قریشی ، نیول چیف ایڈمرل، صدر مملکت ڈاکٹر عارف علوی سمیت دیگرعہدے داران نے افسوس کا اظہارکیا۔

وزیراعظم عمران خان نے مایہ ناز کرکٹر کی وفات پر گہرے دکھ اور افسوس کا اظہار کرتے ہوئے کہا کہ عبدالقادر کی وفات سے پاکستان ایک عظیم کرکٹر سے محروم ہو گیا ہے جس نے دنیا بھر میں وطن کا نام روشن کیا۔

عمران خان نے مزید کہا کہ عبدالقادر کی وفات نے دوست سے محروم کردیا، جس کا صدمہ ہے، وزیراعظم نے غم زدہ خاندان کے لیے صبر جمیل کی دعا کی۔

آرمی چیف جنرل قمر جاوید باجوہ نے کہا کہ پاکستان ایک عظیم اسپورٹس مین اور انسان سے محروم ہوگیا ہے۔ اللہ عبدالقادر مرحوم کو جوار رحمت میں جگہ دے ، آمین۔

پاک بحریہ کے سربراہ ایڈمرل ظفر محمود عباسی نے کرکٹرعبدالقادر کے انتقال پرافسوس کا اظہار کرتے ہوئے کہا کہ پاکستان ایک عظیم انسان اور اسپورٹس مین سے محروم ہوگیا، اللہ عبدالقادر کو جوار رحمت میں جگہ دے، لواحقین کو صبر جمیل عطا فرمائے۔

وزیر خارجہ شاہ محمود قریشی نے کرکٹر کی وفات پر شدید مزمت کرتے ہوئے کہا کہ عبدالقادر نے کرکٹ کے شعبے میں خدمات سر انجام دیں، دنیائے کرکٹ ایک عظیم کھلاڑی سے محروم ہوگئی، وزیر خارجہ نے مرحوم کے لئے دعائے مغفرت اور لواحقین کے لئے صبرِ جمیل کی دعا کی۔

 صدر مملکت عارف علوی نے بھی عبدالقادر کے انتقال پر اظہار افسوس کیا ہے اور کہا کہ اللہ تعالیٰ عبدالقادر کے درجات بلند فرمائے اور ان کو جنت الفردوس میں اعلیٰ مقام عطا فرمائے۔

https://www.youtube.com/watch?v=czQVvSwtEzo