پنجاب کے شہربہاولپورگورئمنٹ ہائی سکول کا استاد جلاد بن گیا، ایک طالبعلم خوف سے ہی جاں بحق ہوگیا۔

تفصیلات کے مطابق بہاولپور گورنمنٹ ہماتیاں ہائی اسکول کے حسان نامی ٹیچر نے نوویں جماعت کے طالب علموں پر کُرسی کی پھٹی سے بد ترین تشدد کیا۔

استاد کے بچوں پر تشدد کے خوف سے نوویں جماعت کا طالب علم بے ہوش ہو گیااور ہسپتال پہنچنے سے پہلے طلحہ نامی طالب علم جان کی بازی ہار گیا، بدقسمت ماں اپنے لخت جگر کا انتظار ہی کرتی رہے گئی۔

ذرائع کے مطابق بچے کے جاں بحق ہونے پر والدین شدت غم سے نڈھال ہیں لیکن انتظامیہ اور پولیس کی جانب سے کوئی کارروائی عمل میں نہیں لائی گئی ہے۔

جاں بحق ہونے والا طالب علم والدین کا اکلوتا بیٹا تھا ، میت گھر پہنچنے پرگھرمیں کہرام مچ گیا۔

واضح رہے کہ پنجاب میں بچوں پر تشدد کا یہ پہلا واقعہ نہیں ہے اس سے قبل بھی صوبہ پنجاب کے ضلع چنیوٹ میں استانی نے سبق یاد نہ کرنے پر 15 طالبات کو انوکھی سزا دیتے ہوئے ان کے بال کاٹ دئیے تھے۔

یاد رہے کہ رواں سال فروری میں قبل ملتان کے گورنمنٹ ایم اے جناح اسکول میں سالانہ تقریب کے لیے فنڈ نہ دینے پر طالب علم کو تشدد کا نشانہ بنایا گیا تھا، بعدازاں تشدد کرنے والے 2 اساتذہ کو معطل کردیا گیا تھا۔