معاون خصوصی برائے اطلاعات فردوس عاشق اعوان نے کہا کہ وزیراعظم نے 6ستمبر کو کشمیر ڈیفنس ڈے کے طور پر منانے کا فیصلہ کیا ہے۔

تفصیلات کے مطابق معاون خصوصی برائے اطلاعات فردوس عاشق اعوان نے اسلامک یونیورسٹی میں مقبوضہ کشمیر کی موجودہ صورت حال سے متعلق سیمینار سے خطاب کرتے ہوئے کہا کہ کشمیر پاکستان کا دفاعی  حصار ہے،کشمیریوں سے ہمارا اٹل رشتہ ہےاور ہم کشمیریوں کے لیے ہر سطح پر آوازبلند کرتے رہیں گے۔

معاون خصوصی نے کہا کہ کشمیری عوام ایک ماہ سےزائدعرصےسےکرفیومیں محصورہیں، اس وقت مواصلاتی نظام سےکٹےہوئےہیں، مقبوضہ وادی دنیا کی سب سے بڑی جیل میں تبدیل ہوگئی ہے ، جہاں ادویات اورخوارک نہیں، بچے بلک رہے ہیں۔

فردوس عاشق اعوان نے یہ بھی کہا کہ کشمیریوں کو اپنے گھروں میں قید اوران پر زندگی تنگ کر دی گئی ہے، کسی کو انسانیت کی تذلیل کرنے کی اجازت نہیں دی جا سکتی، مسلمان ایک جسم کی مانند ہیں ایک حصے کو درد ہوتو دوسرا محسوس کرتا ہے۔

سیمینار سے خطاب کرتے ہوئے فردوس عاشق اعوان نے کہا کہ عوام مسلم امہ کو درپیش مسائل کو سمجھتے ہیں، مظلوم کشمیری او آئی سی سے زیادہ توقع کرتا ہے ، کشمیر پاکستان کا دفاعی حصار ہے ، کشمیریوں کے لیے ہر سطح پر آوازبلند کرتے رہیں گے۔

فردوس عاشق اعوان کا کہنا تھا کہ بندوقوں کے سائے میں کشمیریوں کو گھروں میں قید کر دیا گیا، کشمیری اپنے خون سے داستان لکھ رہے ہیں، دنیا مقبوضہ کشمیر پر خاموش ہے۔

معاون خصوصی کا یہ بھی کہنا تھا کہ پاکستان نے عالمی سطح پر بھارت کا فاشسٹ چہرہ دنیا کو دکھایا ہے، دنیا کی سب سے بڑی جمہوریت کا دعویدار اپنے ہی آئین کی خلاف ورزی کر رہا ہے۔

معاون خصوصی برائے اطلاعات فردوس عاشق اعوان کا مزید کہنا کہ وزیراعظم جرات اوربہادری سےکشمیریوں کےوکیل بن کرسامنےآئے، کشمیریوں کوان کےگھروں میں قیداورزمین تنگ کردی گئی ہے، جمہوریت کا دعویدار اپنے ہی آئین کی خلاف ورزی کررہا ہے۔