امریکی سفیر پال جونز کا کہنا ہے کہ امریکہ موجودہ حکومت کے ساتھ ہر شعبہ میں تعاون کرنے کےلئے تیار ہے۔

تفصیلات کے مطابق پاکستان میں امریکہ کے سفیر پال جونز کی وفاقی وزیر حماد اظہر کے ساتھ ملاقات ہوئی ہے جبکہ ملاقات میں دو طرفہ تعلقات اور اقتصادی پالیسیوں پر تبادلہ خیال کیا گیا اور پاک امریکہ دو طرفہ تعلقات میں استحکام لانے پر بات چیت نھی کی گئی۔

امریکی سفیر نے یو ایس ایڈ کے تحت پاکستان میں جاری ترقیاتی پروگرامز پر آگاہ کیا اور انھیں بتایا گیا کہ فاٹا ، کے پی کے کے علاقوں کی ترقی، معاشی بہتری ، توانائی، تعلیم صحت اور قانون کا اطلاق ہماری بنیادی ترجیح ہے۔

حماد اظہر نے کہا کہ پاکستان کے مختلف شعبوں میں امریکی امداد پر شکرگزار ہوں جکہ حکومت تخفیف غربت، گورننس، کم قیمت گھروں اور انسانی ترقی کےلئے کام کررہی ہے

آئی ایم ایف مشن چیف کی وزیر برائے اقتصادی امور ڈویژن حمد اظہر سے ملاقات ہوئی ہے۔

تفصیلات کے مطابق ملاقات میں ملک کی عمومی معاشی صورتحال پر گہرائی سے تبادلہ خیال کیا گیا۔

حماد اظہر نے آئی ایم ایف ٹیم کو ملک میں معاشی استحکام کو یقینی بنانے کے لئے ہونے والی اصلاحات اور موجودہ حکومت کی وابستگی سے بھی آگاہ کیا گیا ہے جس پر آئی ایم ایف کی ٹیم نے پاکستان کی اصلاحات اور معاشی استحکام کی رفتار پر اطمینان کا اظہار کیا۔

دوسری جانب وفاقی وزیر پاورعمر ایوب سے آئی ایم ایف وفد کی ملاقات بھی ہوئی جس میں وفاقی وزیر نے آئی ایم ایف وفد کو پاور سیکٹر میں تاریخی کامیابیوں سے آگاہ کیا جس پر آئی ایم ایف کے ڈائریکٹر اہداف کے حصول میں پاور ڈویژن کی کوششوں کو سراہا اور آئی ایم ایف نے بجلی کی قیمتوںمیں کمی کیلئے مقامی وسائل سے بجلی پیداواربڑھانے کی پالیسی کو بھی سراہا گیا۔