چیئرمین نیب جسٹس ر جاوید اقبال نے کہا ہے کہ نیب میگا کرپشن مقدمات کو منطقی انجام تک پہنچانے کے لیے پرعزم ہے۔

تفصیلات کے مطابق چیئرمین نیب جسٹس ر جاوید اقبال کی زیر صدارت اجلاس آج ہوا جس میں انہوں نے بتایا کہ 2018 کے اس عرصے کے مقابلے میں 2019 میں دگنا شکایات، انکوائریاں اور انویسٹی گیشنز کو نمٹایا گیا ہے۔

جاوید اقبال نے کہا کہ نیب نے 71 ارب روپے بدعنوان عناصر سے وصول کرکے قومی خزانہ میں جمع کرائے جبکہ گذشتہ 22 ماہ کے دوران متعلقہ احتساب عدالتوں میں بدعنوانی کے 600 ریفرنس دائر کئے گئے ہیں۔

چیئرمین نیب نی مزید بتایا کہ ٹرانسپیرنسی انٹرنیشنل، عالمی اقتصادی فورم اور پلڈاٹ اور مشال جیسے قومی و بین الاقوامی معتبر اداروں نے نیب کی کوششوں کو سراہا گیا ہے۔

چیئرمین نیب نے اپنے خطاب میں کہا کہ گیلانی اور گیلپ سروے کے مطابق 59 فیصد لوگ نیب پر اعتماد کرتے ہیں جبکہ دوسری جانب نیب نے سی پیک منصوبوں کی نگرانی کے تناظر میں چین کے ساتھ مفاہمت کی یادداشت پر دستخط کئے گئے ہیں۔

واضح رہے کہ اس سے قبل اپنے خطاب میں قومی احتساب بیورو نیب کے چیئرمین جسٹس (ر) جاوید اقبال نے کہا ہے کہ میگا کرپشن مقدمات کو منطقی انجام تک اولین ترجیح ہے۔

جسٹس (ر) جاوید اقبال نے کہا کہ اس وقت 900 ارب کے 1210 ریفرنس زیر سماعت ہیں، بیوروکریسی کے خلاف مقدمات نہ ہونے کے برابر ہیں، کسی دھمکی یا لالچ کی کوئی پرواہ نہیں ہے۔